Mbuto na Nthawe Zomwe Mungatizungire
Tinkukukomedwa kukuuzani kuti mudzazungirembo mthambi pabodzi na nyumba zathu zakudindira mabukhu. Dziwani mbuto na nthawe yomwe mungadzatizungire.
Kuyamba Pomwe Kuzungira Mthambi: M'madziko mazinji, tidayamba pomwe kuzungira mthambi pa 1 Junho, 2023. Kuti mudziwe bzizinji, cezani na mthambi yomwe mukufuna kuzungirayo. Lekani kuzungira mthambi mukakhala muna COVID-19, mukakhala muna cimpsine ayai penu mwakhala pafupi na munthu omwe ana COVID-19.
Japão
Bzomwe Mun’funikira Kudziwa Mukafuna Kudzatizungira
Kodi mun’funikira kuyamba mwakumbira pomwe mukanati kubwera kudzatizungira? Inde. Kuti titcenkhe kutambira wanthu azinjisa kabodzi-kabodzi na kuti wentse omwe an’dzatizungira akomedwe, ifepano timbakumbira kuti alendo wathu wentse atome akumbira pomwe akanati kubwera kudzatizungira, bziribe basa kukula kwa thimu lawo. Kumbirani na nthawe kuti mudzatizungire, pinango mkati mwa mdzinga ubodzi. Mukafuna kudzatizungira mu ntsiku za feriyado, mun’funikira kutikumbira na nthawe kwene-kwene.
Penu mulibe kukumbira, kodi bzingakwanise basi kutizungira? Penu mulibe kukumbira, tingakwanise lini kukutambirani. Pakuti mbuto yathu njing’ono, timbandotambira wanthu wakucepa pa ntsiku kuti adzatizungire.
Kodi mun’funika kufika pa nthawe iponi kuti mudzatizungire? Tikukumbira kuti mudzafike ora ibodzi pomwe ikanati kukwana nthawe yomwe mudalewa kuti tidzatcenkhe kugwezeka wanthu.
Kodi mungakumbire tani kudzatizungira? Tinyani pa “Kumbirani Kudzatizungira.”
Kodi mungacinje ayai kupfudza mkumbiro omwe mukhadacita? Inde. Tinyani pa “Onani ayai Cinjani Ntsiku Zomwe Ndikhakumbira.”
Tsono, tani penu bzingakwanisike lini kukuzungirani pa ntsiku zomwe ndikhafuna maka-maka? Pitirizani kufufudza pa saitipo. Ntsiku zakudzatizungira zimbadzawoneka pomwe winango ambacinja ayai kupfudza ntsiku zomwe iwo akhadakumbirambo kuti adzatizungire.
Kuwona Bzithunzi-thunzi
Nossa Herança. Bzithunzi-thunzi bzimwebzi bzimbafotokoza momwe Yahova adasimbira basa lakupalizira mu dziko la Japão mkati mwa magole 100 yapitaya. Alendo an’dzapfunza bza basa la Mboni za Yahova za m’dziko limweri, kuphatanidza kudziwa njira zakupalizirira zakundophatisidwa basa m’dziko limweri lokha na kudziwambo bzomwe bzidakwanisika kucitidwa na thandizo la amisiyonario.
A Bíblia no Japão. Bzithunzi-thunzi bzimwebzi bzimbalatiza mabibliya yakusaya kuwonedwa kawiri-kawiri, kuphatanidza Bibliya lomwe lidayamba kusanduliziridwa mu dziko la Japão.
Komwe Timbakhala na Numero ya Telefoni
Watch Tower Bible and Tract Society
4-7-1 Nakashinden
EBINA CITY
KANAGAWA-PREF
243-0496
JAPÃO
+81 46-233-0005