Jeremiya 15:1-21
15 Na tenepo Yahova adandiuza kuti: “Napo Mozeji na Samuyeri angadabwera pamaso pangu, ine ningadabvera lini ntsisi wanthu amwewa. Acose pamaso pangu, mbacoke.
2 Ndipo iwo akakubvunza kuti: ‘Tiniyenda kuponi?’ Uwatawire kuti: ‘Yahova walewa kuti:
“Ule omwe an’funika kufa na cisi, an’dzafa na cisi!*
Ule omwe an’funika kuphedwa na xipada, an’dzaphedwa na xipada!
Ule omwe an’funika kufa na njala, an’dzafa na njala,
Ule omwe an’funika kuyenda ku ukapolo, an’dzayenda ku ukapolo.”’
3 Yahova walewa kuti: “‘Ndiniwabweresera matsoka manai,* xipada yakupha, mbwaya kuti zikwekwete mathupi yawo, mbalame na bzirombo bza m’thengo kuti bzidye na kupfudza.
4 Ndipo nin’dzawacitisa kukhala cinthu cakugopswa kwa maumambo yentse ya pa dziko la pantsi, thangwe ra bzomwe Manase, mwana wa Ezekiya, mambo wa Djuda adacita ku Jeruzalemu.
5 Iwe Jeruzalemu, mbani an’dzakubvera ntsisi,Mbani an’dzacita ntsisi na iwepo,Ndipo mbani omwe an’dzaima acikubvunza kuti uli tani?’
6 Yahova walewa kuti:
‘Mwandisiya ndipo mwandilinza ngoto,*
Ndipopa nin’kufuthulirani boko kuti ndikupfudzeni,
Ndaneta kukubverani ntsisi.
7 Nin’dzawamwaza na mphepo ninga mungu m’misuwo ya m’dzikoli.
Nin’dzawasiya alibe wana.
Nin’dzapfudza wanthu wangu,Pakuti iwo alamba kusiya njira zawo.
8 Amamsiwa wawo an’dzakhala azinji kwene-kwene pamaso pangu kuposa mcenga wa m’nyanza.
Nin’dzawabweresera nyakupfudza masikati kuti adzapfudze azimai na maswaka.
Mwadzidzidzi nin’dzawacitisa kukhala na thupo na mantha.
9 Mkazi omwe wabereka wana 7 wamala mphanvu,Iye akuneseka kupuma.
Kwa iye dzuwa limbamira uko yakali masikati,Iye ana manyazi ndipo wamalidwa nzeru,’
‘Ndipo wanthu wakucepa omwe an’dzasala nawoNin’dzawapha na xipada pamaso pa anyamadulanthaka wawo,’ walewa tenepo Yahova.”
10 Imwe mai wangu, tsoka kwa ine thangwe mudandibereka,Pa dziko lentse la pantsi wanthu akubvesesana lini ndipo akunesana thangwe ra ine.
Ndiribe kufiyalisi ne kufiyali;Napo bziri tenepo wentse akunditemberera.
11 Yahova walewa kuti: “Kulewa cadidi, inepano nin’dzakuthandiza,Kulewa cadidi, nin’dzakuthandiza pa nthawe ya matsoka,Pa nthawe ya mabvuto pomwe ukunesana na nyamadulanthaka wako.
12 Kodi alipo munthu omwe angagwate-gwate simbi,*Simbi yakucokera ku norte pabodzi na kobre?*
13 Bzinthu bzanu pabodzi na cuma canu nin’dzabzipereka kwa anyamadulanthaka wanu,Sikuti ndigumane phindu koma thangwe ra pikado zentse zomwe mwacita ku mphimpha zanu zentse.
14 Nin’dzapereka bzinthu bzimwebzi kwa anyamadulanthaka wako,Kuti abziyendese ku dziko lomwe iwepo ukulidziwa lini.
Pakuti ukali bwangu bwagasa moto,Moto omwe ukukugakirani.”
15 Imwe Yahova, imwepo mumbadziwa bzentse,Ndikumbukireni ndipo ndinyang’aneni.
Alangeni omwe akunditewera m’mbuyo,
Lekani kundilekerera kufa thangwe ra kupirira kwanu.
Dziwani kuti ndikunyozedwa thangwe ra imwepo.
16 Ndidagumana mafala yanu ndipo ndidayadya,Mafala yanu yambanditsangalaza na kukondwesa mtima wangu,Pakuti nimbadziwika na dzina lanu, Imwe Yahova Mulungu wa anyankhondo.
17 Nimbakhala lini pantsi na wale omwe ambandofuna kusenzeka, ndipo nimbakomedwa lini nawo,
Pakuti boko lanu liri pa ine, ine nimbakhala ndekha,Thangwe mwandidzaza na ukali bwanu.
18 Thangwe ranyi kuwawa kwangu kukumala lini, ndipo cironda cangu cikupola lini?
Ico cikufuna lini kupola.
Kodi kwa ine mun’dzakhala ninga mcera wakusaya madzi,Omwe umbathembeka lini?
19 Na tenepo Yahova walewa kuti:
“Ukabwerera, nin’dzakubvuma,Ndipo un’dzatumikira pamaso pangu.
Ukasiyanisa bzinthu bzakufunika na bzinthu bzakusaya basa,Un’dzakhala nyakundilewalewera wangu.
Iwo an’dzabwerera kwa iwepo,Tsono iwepo un’dzabwerera lini kwa iwo.”
20 “Nin’kucitisa kukhala muro wakulimba wa kobre kwa wanthuwa.
Kulewa cadidi iwo an’dzamenyana nawe,Koma an’dzakukunda lini,Pakuti ine ndinawe kuti ndikupulumuse na kukulombola,” walewa tenepo Yahova.
21 “Nin’dzakupulumusa m’manja mwa anyakuipaNdipo nin’dzakulombola m’manja mwa wathu wakuipa.”
Mafala ya m'nyantsi
^ Ayai, “matenda.”
^ Ayai pinango, “mitundu minai ya katongedwe.” Mafala yace caiyo: “mabanja manai.”
^ Ayai pinango, “mukubwerera m’mbuyo.”
^ Ayai, “fero.”
^ Ayai, “mkuwa.”
