Jeremiya 16:1-21
16 Yahova adalewalewa nande pomwe kuti:
2 “Leka kulowola mkazi kuno ne kubereka wana wacimuna ne wacikazi pa mbuto ino.
3 Kwa wana wacimuna na wacikazi omwe akubadwa kuno na kwa azimai omwe akubereka wana pabodzi na azipai omwe akucitisa azimaiwo kubereka wana pa mbuto ino, Yahova walewa kuti:
4 ‘Iwo an’dzafa na matenda yakuipa kwene-kwene, tsono an’dzaliridwa lini ne kupendesedwa na munthu ali-wentse. Iwo an’dzakhala ninga ndowe pa mataka, an’dzaphedwa na xipada na njala ndipo mathupi yawo yan’dzakhala cakudya kwa mbalame na kwa bzirombo bza pa dziko.’
5 Yahova walewa kuti:‘Leka kupita m’nyumba ya wanthu omwe akulira,Leka kuyenda kumweko kuti ukalire na kusunama.’
‘Pakuti ndacosera wanthuwa mtendere wangu,Pabodzi na lufoyi lacadidi na ntsisi zangu,’ walewa tenepo Yahova.
6 ‘Akulu na wana an’dzafa m’dziko lino.
Iwo an’dzapendesedwa lini,Palibe omwe an’dzasunama thangwe ra iwo.Ne an’dzabziceka-ceka lini ayai kusenga mipala thangwe ra iwo.*
7 Palibe omwe an’dzapereka cakudya kwa wanthu omwe akulira,Kuti awatsangalaze thangwe ra kufedwa;Ne kuwapasa vinyu kuti atsangalazidweKuti amwe thangwe ra kufedwa pai ayai mai.
8 Ndipo lekambo kupita m’nyumba yomwe ina phwandoUcikhala pabodzi na wanthu kuti udye na kumwa.’
9 “Pakuti Yahova wa anyankhondo, Mulungu wa Jirayeri walewa kuti: ‘Mu ntsiku zanu, nin’dzamalisa pamaso panu kusekerera na kukomedwa kwanu, ndipo nin’dzamalisambo fala la namwali wacimuna na wacikazi pa mbuto ino.’
10 “Ukakauza wanthuwo mafala yamweya, iwo an’kakubvunza kuti: ‘Thangwe ranyi Yahova walewa kuti tsoka likululi lin’tigwera? Kodi taphonya ciyani ndipo ni pikado iponi yomwe tacita kwa Yahova Mulungu wathu?’
11 Ukawatawire kuti: ‘“Ni thangwe rakuti makolo yanu yakale yadandisiya. Iwo adatewera mirungu inango, adaitumikira na kuigodamira acindisiya ine ndipo alibe kubvera lamulo langu,” walewa tenepo Yahova.
12 “Ndipo imwepo mukucita bzinthu bzakuipa kwene-kwene kuposa makolo yanu yakale. M’mbuto mwa kundibvera, ali-wentse wa imwepo akucita bzinthu mwakutewera mtima wace wakuipa.
13 Ndipopa nin’kuthothani m’dzikoli, muciyenda ku dziko lomwe ne imwepo ne makolo yanu yakale yalibe kulidziwa, ndipo kumweko mun’dzatumikira mirungu inango masikati na usiku, pakuti nin’dzakubverani lini ntsisi.”’
14 “Yahova walewa kuti: ‘Ntsiku zikufika zomwe iwo an’dzalewa lini pomwe kuti: “Pana Yahova Mulungu wamoyo, ule omwe adacosa Ajirayeri m’dziko la Edjipito!”
15 m’mbuto mwace an’dzalewa kuti: “Pana Yahova Mulungu wamoyo, ule omwe adacosa Ajirayeri m’dziko la ku norte na m’madziko yentse yomwe akhadawabalalisira!” Ndipo nin’dzawabwezera m’dziko lawo lomwe ndidapasa makolo yawo yakale.’
16 Yahova walewa kuti: ‘Nin’dzabweresa akhombwe azinji wa ntsombaNdipo iwo an’dzawamedza.
Patsogolo pace nin’dzabweresa asodzi azinji,Ndipo iwo an’dzawasodza m’mapiri yentse na m’tumapiri twentse tung’ono-tung’onoNa m’mphako za m’minyala.
17 Pakuti maso yangu yambawona bzentse bzomwe iwo ambacita.
Iwo alibe kubisika pamaso pangu,Ne bzakuphonya bzawo bziribembo kubisika pamaso pangu.
18 Cakuyamba, nin’dzawabwezera mwakubverana na bzakuphonya bzawo na pikado zawo,Pakuti iwo apswipiza dziko langu na bzifanikiso bzawo bzakunyantsa bzomwe bziribe moyoNdipo adzaza dziko langu na bzinthu bzawo bzakunyantsa.’”
19 Imwe Yahova, ndimwe mphanvu yangu na mbuto yangu yakukhotcerereka,Mbuto yangu yakuthawira pa ntsiku ya mabvuto.Wanthu wa mitundu inango an’dzabwera kwa imwe kucokera kuphampha kwa dziko la pantsi,Ndipo iwo an’dzalewa kuti: “Makolo yathu yakale yadapitiriza na miyambo yakunamata mirungu yakunama,Bzinthu bzapezi-pezi na bzakusaya basa bzomwe bziribe phindu liri-lentse.”
20 Kodi munthu wa pa dziko la pantsi angakonze mirungu?Bzomwe iye ambakonza ni mirungu lini caiyo.
21 “Tenepo nin’dzacitisa kuti adziwe,Inde, ulendo buno iwo an’dzadziwa kuti ine ndine wamphanvu,Ndipo an’dzadziwa kuti dzina langu ndine Yahova.”
Mafala ya m'nyantsi
^ Miyambo yacikunja yakubverana na kulira pa nkhawa, pinango-pentse ikhatewezedwa na Ajirayeri wakupanduka.
