Jeremiya 47:1-7
-
Profesiya yakulewa bza kulangidwa kwa Afilisteu (1-7)
47 Pakulewa bza Afilisteu, Yahova adalewalewa na mprofeta Jeremiya pomwe Farawo akhanati kukunda mzinda wa Gaza.
2 Yahova walewa kuti:
“Onani, madzi yakubwera kucokera ku norte
Yomwe yan’dzakhala nyanza yakuzika.
Yan’dzamiza dziko na bzentse bzomwe bziri m’mwemo,Mzinda na anyakukhala mu mzindamo.
Wanthu an’dzakuwa,Ndipo wentse wakukhala m’dzikomo an’dzadandaula.
3 Akadzabva mdjintci wa makavalo ya anyamadulanthaka wawo,Na muwira wa ngolo za nkhondo,Baludya la maroda ya ngolo za nkhondozo,Abereki an’dzabwerera lini kuti adzapulumuse wana wawo,Pakuti manja yawo yan’dzakhala yatepa,
4 Thangwe ntsiku ya kupfudzidwa kwa Afilisteu wentse ikufendera,Ndipo wanthu wentse omwe adasala ku Tiro na ku Sidoni omwe ambawathandizira an’dzapfudzidwa.
Pakuti Yahova an’dzapfudza Afilisteu,Wale omwe adasala ku ntsuwa ya Kafitori.*
5 Mzinda wa Gaza un’dzasunama,*
Asikeloni an’dzanyamalisidwa.
Imwe anyakusala wa m’cigwa,*Mpaka lini mun’dzapitiriza kubziceka-ceka?
6 Iwe xipada ya Yahova,
Kodi ni lini pomwe un’dzapuma?
Bwerera m’cikhwama mwako.
Puma ndipo khala zii.
7 Kodi iyo ingapume tani,Uko Yahova waipasa lamulo?
Iye waituma kuti ikamenyane na Asikeloni,Na m’mphepete mwa nyanza.”
Mafala ya m'nyantsi
^ Omwe ni Kerete.
^ Bzomwe ni kusenga mipala ninga cizindikiro ca nkhawa na manyazi.
^ Ayai, “dambo.”