Jeremiya 49:1-39
-
Profesiya yakulewa bza kulangidwa kwa Aamoni (1-6)
-
Profesiya yakulewa bza kulangidwa kwa Edomu (7-22)
-
Edomu an’dzakhala lini pomwe ninga mtundu (17, 18)
-
-
Profesiya yakulewa bza kulangidwa kwa Damasko (23-27)
-
Profesiya yakulewa bza kulangidwa kwa Kedari na Hazori (28-33)
-
Profesiya yakulewa bza kulangidwa kwa Elamu (34-39)
49 Pakulewa bza Amoni, Yahova walewa kuti:
“Kodi Jirayeri alibe wana?
Kodi alibe nyakutambira utaka?
Tenepo thangwe ranyi Malikamu wapamba Gadi?
Ndipo thangwe ranyi wanthu wace akukhala m’mizinda ya Jirayeri?”
2 “Yahova walewa kuti: ‘Tenepo zikufika ntsikuZomwe nin’dzacitisa kuti kubveke ciwowo ca nkhondo cakumenyana na Raba wa ku Amoni.
Iye an’dzakhala midu ya matere yakusiidwa,Mizinda ya pafupi in’dzatenthedwa.’
‘Ndipo Jirayeri an’dzapamba wale omwe adamupamba,’ walewa tenepo Yahova.
3 ‘Lira iwe Hesiboni, pakuti mzinda wa Ai wapfudzidwa!
Kuwani imwe mizinda yomwe muli pafupi na Raba,
Bvalani magundiri.
Lirani ndipo thamangani uku na uku pakati pa mathanga yakukonzedwa na minyala,*Pakuti Malikamu an’dzayendesedwa ku ukapolo,Pabodzi na antsembe wace na nduna zace.
4 Iwe mwana wacikazi wakusaya kukhulupirika, thangwe ranyi ukubzikuza na bzigwa bzako,*Bzigwa bzako bzakuthiriziridwa bwino?Thangwe ranyi ukukhulupira cuma cakoUcimbalewa kuti: “Mbani omwe an’bwera kudzamenyana na ine?”’”
5 “Yahova wa anyankhondo Mbuya Mkululetu walewa kuti: ‘Nin’kubweresera cinthu cakugopswa kwene-kweneCakucokera kwa wanthu omwe ali pafupi nawe.
Un’dzabalalisidwira ku mbali zentse,Ndipo palibe omwe an’dzatsonkhanisa anyakuthawa.’”
6 “‘Patsogolo pace nin’dzatsonkhanisa wanthu wentse wa ku Amoni omwe adayendesedwa ku ukapolo,’ walewa tenepo Yahova.”
7 Pakulewa bza Edomu, Yahova wa anyankhondo walewa kuti:
“Kodi mu Temani mulibe nzeru?
Kodi anyakupereka malango yabwino omwe ambabvesesa bzinthu adamala?
Kodi nzeru zawo zidabvunda?
8 Imwe wanthu wakukhala ku Dedani, zungunukani mucithawa!
Bisalikani m’mbuto zakuzika,
Pakuti nin’bweresera tsoka EsauIkadzafika nthawe yakufuna kumulanga.
9 Anyakubvuna uva acikubwerera,Kodi angadakusiira lini uva bunango kuti uphalasire?
Mbava zicikubwerera usiku,Kodi izo zingandobe lini bzinthu bzomwe zin’funa?
10 Tenepo nin’dzapamba Esau,
Nin’dzaikha padeca mbuto zace zomwe iye ambabisalikira,Kuti iye aleke kubisalika.
Wana wace, abale wace na azivizinyu wace wentse an’dzapfudzidwa,Ndipo iye an’dzawoneka lini pomwe.
11 Siyani wana wanu omwe ni nkhungwa,*Ndipo ine nin’dzawacitisa kukhala na moyo,Ndipo amamsiwa wanu an’dzandithemba.”
12 Pakuti Yahova walewa kuti: “Onani, penu wale omwe alibe kupasidwa nyathwa yakumwa kopo ya ukali bwangu an’dzafunika kumwa, kodi iwepo ndiwe omwe un’dzasiidwa ne kulangidwa? Un’dzalangidwa pakuti un’dzafunika kumwa.”
13 Yahova walewa kuti: “Pakuti ndabzilumbirira ndekha kuti Bozira an’dzakhala cinthu cakupasa mantha, cinthu cakuthemera kunyozedwa, mbuto yakupfudzidwa na cinthu cakuthemera kutembereredwa, ndipo mizinda yace yentse in’dzasanduka matere mpaka kale-kale.”
14 Ine ndidabva mafala yakucokera kwa Yahova,Adatuma munthu kuti akauze mitundu ya wanthu kuti:
“Tsonkhanani ndipo ndokoni kwa iye;Konzekerani nkhondo.”
15 “Ona! Ine ndakucitisa kukhala munthu wapezi-pezi pakati pa mitundu ya wanthu,Na wakunyozeka pakati pa wanthu.
16 Iwepo udacitisa wanthu kubva mantha,Mtima wako wakubzikuza udakupumpsa,Iwe omwe umbakhala m’mphako za minyala mikulu-mikulu,Omwe umbakhala m’mapiri matali-matali.
Napo ucikonza citsa* cako patali ninga mphungu,Ine nin’dzakucitisa kuti ubuluke,” walewa tenepo Yahova.
17 “Ndipo Edomu an’dzakhala cinthu cakupasa mantha. Wanthu wentse omwe an’dzapita na m’mwemo an’dzacita mantha ndipo an’dzaliza muluzi thangwe ra matsoka yace yentse.
18 Yahova walewa kuti: “Ninga momwe idapfudzidwira mizinda ya Sodoma na Gomora na mizinda yace ya pafupi, palibe omwe an’dzakhala mu Edomu, ndipo palibe munthu ali-wentse omwe an’dzakhala pomwe m’mwemo.”
19 “Onani! Kun’dzabwera munthu m’mbuto zakudyesera bzifuwo zakukhotcerereka, ninga mphondolo yomwe ikucoka m’thengo m’mphepete mwa Jordano, tsono mwadzidzidzi nin’dzacitisa kuti iye* athawe aciyenda kutali na mbutoyo,* ndipo nin’dzaikha pa mbutoyo mtsogoleri omwe ndamusankhula. Mbani omwe ngwakundendemerana na ine? Mbani omwe an’dzanesana nande? Kodi alipo makabusa omwe angalambe kucita bzomwe ine ndikufuna?
20 Tenepo wanthumwe, bvani bzomwe Yahova an’funa kucitira Edomu na bzomwe an’funa kucitira anyakukhala ku Temani.
Mwakusaya kupenukira, wana wa mabira an’dzakwekwetedwa aciyendesedwa kutali.
Iye an’dzapfudza mbuto zakudyesera bzifuwo thangwe ra iwo.
21 Dziko latetemera thangwe ra mdjintci wa kugwa kwawo.
Kukubveka kulira!
Ndipo kulira kwawo kukubveka mpaka ku Nyanza Ifuira.
22 Onani, ninga mphungu iye an’dzakwira aciphata nyama,Ndipo an’dzafuthulira maphaphidwe yace ku Bozira.
Pa ntsiku imweyo, mtima wa anyankhondo wa ku Edomu,Un’dzakhala ninga mtima wa mkazi omwe an’funa kubereka.”
23 Pakulewa bza Damasko,
“Hamate na Aripadi adapasidwa manyazi,Thangwe ra bzinthu bzakuipa bzomwe adabva.
Iwo akusungunuka na mantha.
Nyanza ikucita mabimbi ndipo palibe omwe angaiderekhese.
24 Damasko watazira kukhwimika.
Wazungunuka kuti athawe, tsono wakundidwa na mantha.
Kuwawa na msunamo bzamukunda,Ninga momwe bzimbacitikira na mkazi omwe an’funa kubereka.
25 Thangwe ranyi mzinda wakutumbizika ukupitiriza kukhala na wanthu,Mzinda omwe wanthu wace mbakukondwa?
26 Pakuti maswaka yace yan’dzaphedwa m’misika,Ndipo anyankhondo wace an’dzafa pa ntsiku imweyo,” walewa tenepo Yahova wa anyankhondo.
27 “Nin’dzatentha na moto muro wa Damasko,Omwe un’dzatentha prediyo zakulimba za Beni-hadadi.”
28 Pakulewa bza Kedari na maumambo ya Hazori yomwe yadakundidwa na Nabukadinazori* mambo wa Babiloniya, Yahova adalewa kuti:
“Ndokoni ku Kedari,Ndipo mukapfudze wana wa kumabvadzuwa.
29 Tengani matendi yawo na mabira yawo,Nguwo za matendi yawo na bzinthu bzawo bzentse.
Tengani ngamira zawo,Ndipo wanthu an’dzawakuwira kuti: ‘Bzinthu bzakugopswa bziri pentse-pentse!’”
30 Yahova walewa kuti:
“Imwe wanthu wakukhala ku Hazori, thawani muciyenda kutali,
Bisalikani m’mbuto zakuzika, pakuti Nabukadinazori* mambo wa ku Babiloniya an’funa kukucitirani bzinthu bzakuipa,Ndipo iye akunyang’ana njira kuti akukundeni.”
31 Yahova walewa kuti: “Ndokoni mukamenyane na mtundu omwe uli pa mtendere,Omwe umbakhala mwakukhotcerereka.
Mtunduyo ulibe misuwo ne bzakufungira, ndipo umbakhala kwawokha.
32 Ngamira zawo zin’dzapambidwa,Bzifuwo bzawo bzizinji bzin’dzatengedwa.
Nin’dzabalalisira m’mbali zentseWale omwe ambagwata makungundebvu yawo,Ndipo nin’dzawabweresera tsoka kucokera ku mbali zentse,” walewa tenepo Yahova.
33 “Ndipo mzinda wa Hazori un’dzakhala mbuto yakuthawira mphumphi,Un’dzakhala matere mpaka kale-kale.
Palibe omwe an’dzakhala kumweko,Ndipo palibe munthu ali-wentse omwe an’dzakhala pomwe m’mwemo.”
34 Pakulewa bza Elamu, Yahova adalewalewa na mprofeta Jeremiya kumayambiriro kwa utongi bwa Zedekiya mambo wa Djuda. Iye adati:
35 “Yahova wa anyankhondo walewa kuti: ‘Nin’dzatcola uta bwa Elamu yomwe ni* mphanvu yace.
36 Nin’dzabweresera Elamu mphepo zinai kucokera ku mbali zinai za kudzulu ndipo nin’dzabalalisira wanthu wace kuli-kwentse komwe mphepozo ziniyenda. Kulibe mtundu wa wanthu omwe anyakubalalisidwa wakucokera ku Elamu an’dzafika lini.’”
37 “Nin’dzacitisa Aelamu kubva mantha pamaso pa anyamadulanthaka wawo na pamaso pa omwe akulinga kuwapha, ndipo nin’dzawabweresera tsoka, lomwe ni ukali bwangu bwakugaka moto,” walewa tenepo Yahova. “Nin’dzawatumizira xipada mpaka idzamale kuwapfudza.”
38 “Nin’dzaikha mpando wangu wa umambo ku Elamu ndipo nin’dzapfudza mambo wace na nduna zace,” walewa tenepo Yahova.
39 “Tsono mu ntsiku zakumalizira nin’dzatsonkhanisa wanthu wa ku Elamu omwe adayendesedwa ku ukapolo,” walewa tenepo Yahova.
Mafala ya m'nyantsi
^ Ayai, “mathanga ya mabira.”
^ Ayai, “magowa yako.”
^ Ayai, “omwe alibe pai.”
^ Ayai, “cisasira.”
^ Pinango-pentse akulewa bza Edomu.
^ Pinango-pentse akulewa bza dziko la Edomu.
^ Mafala yace caiyo: “Nabukadirazori.” Kamweka ni kanembedwe kanango ka dzinali.
^ Mafala yace caiyo: “Nabukadirazori.” Kamweka ni kanembedwe kanango ka dzinali.
^ Mafala yace caiyo: “pomwe pambacokera.”
