Mika 3:1-12
3 Ine ndidati: “Ndaphata minyendo, tetekerani imwe atsogoleri wa DjakoboNa imwembo atongi wa nyumba ya Jirayeri,
Kodi imwepo mukhafunika lini kudziwa cirungamo?
2 Tsono imwepo mumbawenga bzabwino ndipo mumbafuna bzakuipa;Imwepo mumbapfenda khanda la wanthu wangu ndipo mumbacosa mnonfu ku mafupa yawo.
3 Imwepo mumbadyambo mnonfu wa wanthu wanguNdipo mumbapfenda khanda lawo,Mumbapswa mafupa yawo, yacikhala yakutcoka-tcokaNinga mafupa yomwe yakuphikidwa m’poto, ninga nyama yomwe ikuphikidwa m’mpoto.
4 Pa nthaweyo an’dzacemera Yahova kuti awathandize,Tsono iye an’dzawatawira lini.
Pa nthaweyo, iye an’dzawabisira nkhope yace,Thangwe ra bzicito bzawo bzakuipa.
5 Pakulewa bza apolofeta omwe akusoceresa wanthu wangu,Omwe ambalewa kuti ‘Mtendere!’ akakhala na cinthu cakutanfuna* na mano yawo,Koma ambalewa bza nkhondo kwa ule omwe alibe ciri-centse cakuikha pamulomo pawo, Yahova walewa kuti:
6 ‘Imwepo mun’dzakhala mu mdima ninga usiku, ndipo mun’dzawona lini masomphenya,Mun’dzandowona mdima okha-okha ndipo mun’dzavima lini.
Dzuwa lin’dzamirira apolofetaNdipo masikati yan’dzakhala mdima kwa iwo.
7 Anyakuwona masomphenya an’dzacitisidwa manyaziNdipo anyakuvima an’dzasunamisidwa.
Wentse an’dzampsinkha mulomo,*Pakuti Mulungu an’dzawatawira lini.’”
8 Pakulewa bza ine, ndadzalidwa mphanvu thangwe ra mzimu wa Yahova,Pabodzi na cirungamo na kukhwimika,Kuti ndikauze Djakobo bza kupanduka kwace na Jirayeri bza pikado yace.
9 Ndaphata minyendo, bvani imwe atsogoleri wa nyumba ya Djakobo,Na imwe atongi wa nyumba ya Jirayeri,Omwe mumbawenga cirungamo ndipo mumbacinjanisa bzinthu bzabwino,
10 Omwe mumbamanga Ziyoni mwakucita kucosa mulopa na kumanga Jeruzalemu mwakusaya cirungamo.
11 Atsogoleri* wace ambatonga mirandu akapasidwa bobobo,Wantsembe wace ambapfunzisa akapagalidwi,Ndipo apolofeta wace ambavima akapasidwa kobiri.*
Tsono iwo ambathemba Yahova,* acilewa kuti:
“Kodi Yahova ali lini pakati pathu?
Palibe tsoka lomwe lin’dzatigwera.”
12 Tenepo, thangwe ra imwepo,Ziyoni an’dzagaulidwa ninga munda,Jeruzalemu an’dzakhala midu ya matere,Ndipo phiri la nyumba ya Mulungu* lin’dzakhala ninga mbuto yapadzulu m’thengo.
Mafala ya m'nyantsi
^ Ayai pinango, “cakuluma.”
^ Ayai, “ndebvu za padzulu pa mulomo.”
^ Mafala yace caiyo: “misolo.”
^ Ayai, “prata.”
^ Ayai, “iwo ambalewa kuti ambathemba Yahova.”
^ Ayai, “la templo.”
