Mika 7:1-20
7 Tsoka kwa ine! Pakuti ndiri ninga uleOmwe akamala kubvuna bzisapo mu nthawe ya cirimoNa kuphalasa uva bomwe bwasala pakubvuna,Ambagumana lini uva bwakuti adye,Ne nkhuyu zakuyambirira zomwe akhazifunisisa.*
2 Munthu wakukhulupirika wanyembereka* pa dziko la pantsi;Palibe munthu wakulungama pakati pa wanthu.
Wentsenewo ambakhalirira anzawo pa njira kuti awaphe.
Munthu ali-wentse ambasodza m’bale wace caiye na ukonde.*
3 Manja yawo yambadziwa bwino kucita bzinthu bzakuipa;Mtsogoleri akungingimiza wanthu kuti amupase bzinthu,Mtongi ambatambira bobobo pakutonga.Munthu wakubvekera ambacitisa kuti bzidziwike bzomwe iye an’funa,*Ndipo iwo ambapangana kucitira bzimwebzi pabodzi.
4 Munthu omwe ambacita bwino bzinthu ali ninga minga kwa iwo,Munthu wakulungama pakati pawo ngwakuipa kuposa tsose la minga.
In’dzafika ntsiku yomwe idadziwisidwa na alindiri wako na ntsiku yakutongedwa kwako.
Tenepo wentsene an’dzasaya bzakucita.*
5 Leka kukhulupira mwanzakoNe kuthemba xamwali wako wa pamtima.
Cita mphole na bzomwe umbalewa kwa ule omwe ambagona m’manja mwako.
6 Pakuti mwana wacimuna akunyoza pai wace,Mwana wacikazi akuphindukira mai wace,Ndipo mulowola akuphindukira amibzala wace wacikazi;Anyamadulanthaka wa munthu mbanthu wa m’banja mwace caiwo.
7 Tsono ine, nin’dzapitiriza kudikhirira Yahova.
Nin’dzadikhirira na mtima wentse* Mulungu wa cipulumuso cangu.
Mulungu wangu an’dzandibva.
8 Iwe nyamadulanthakawe,* leka kukondwa na kubonera kwangu.
Napo kuti ndagwa, inepano nin’dzalamuka;Ndipo napo ndiri mu mdima, Yahova an’dzakhala ceza cangu.
9 Nin’dzapirira ukali bwa YahovaThangwe ndamuphonyera.Nin’dzacita bzimwebzo mpaka pomwe iye an’dzatawirira mulandu wangu;
Acicitisa kuti nditongedwe mwacirungamo.Iye an’dzandiyendesa pa ceza ndipo nin’dzawona cirungamo cace.
10 Nyamadulanthaka wangu an’dzawonambo bzimwebzi,Ndipo an’dzacita manyazi mkazi ule omwe akhandiuza kuti:
“Ali kuponi Yahova Mulungu wako?”
Ndipo maso yangu yan’dzamunyang’anisa.
Tenepo, iye an’dzapondedwa-pondedwa ninga matope m’miseu.
11 In’dzakhala ntsiku yakumanga mimuro yako ya minyala;Pa ntsikuyo malire yan’dzathumiziridwa.*
12 Pa ntsiku imweyo, iwo an’dzabwera kwa iwepoKucokera ku Asiriya na m’mizinda ya ku Edjipito,Kuyambira ku Edjipito mpaka ku Mkulo;*Kucokera ku nyanza mpaka ku nyanza na ku phiri mpaka ku phiri.
13 Dzikolo lin’dzasala liribe cinthu thangwe ra wanthu wakukhala m’mwemoNa thangwe ra bzicito bzawo.
14 Na mpsimbo yako, usa wanthu wako omwe ni mabira ya utaka bwako,Omwe akhakhala okha-okha m’thengo, pakati pa munda wa bzisapo.
Iwo akadyere ku Basani na ku Jiliyadi ninga momwe akhacitira kale-kale.
15 “Ninga m’ntsiku zomwe udacoka m’dziko la Edjipito,Inepano nin’dzakulatiza bzinthu bzakudabwisa.
16 Mitundu ya wanthu in’dzawona bzimwebzo ndipo in’dzacita manyazi napo kuti ina mphanvu kwene-kwene.
Iwo an’dzaikha boko pa mulomo;Ndipo makutu yawo yan’dzafunga.
17 Iwo an’dzanyanguta pfumbi ninga nyoka;An’dzacoka akutetemera m’mbuto zawo zakuthawira ninga bzirombo bzakufamba mwakucita kukwawa pa dziko.
An’dzabwera na mantha kwene-kwene kwa Yahova Mulungu wathu,Ndipo iwo an’dzakugopani.”
18 Kodi mbani Mulungu wakundendemerana na imwepo,Omwe ambalekerera bzakuphonya na pikado za wanthu wace wakusala omwe ni utaka bwace?
Iye an’dzapitiriza lini kukhala adakalipa mpaka kale-kale,Pakuti ambakomedwa na lufoyi lacadidi.
19 Iye an’dzatibvera pomwe ntsisi ndipo an’dzakunda* bzakuphonya bzathu.
Imwepo mun’dzathusa pikado zawo zentse pa mbuto yakuzika m’nyanza.
20 Mun’dzakhala wakukhulupirika kwa Djakobo,Ndipo mun’dzalatiza lufoyi lacadidi kwa Abulahamu,Ninga momwe mudalumbirira kuna makolo yathu yakale kuyambira kale-kale.
Mafala ya m'nyantsi
^ Ayai, “zomwe moyo wangu ukhafunisisa.”
^ Ayai, “Palibe munthu wakukhulupirika.”
^ Ayai, “na marede yakuphera nyama.”
^ Ayai, “bzomwe moyo wace un’funa.”
^ Ayai, “an’dzabva mantha.”
^ Ayai, “Nin’dzadikhirira mwakupirira.”
^ Mu Cihebereu, fala lakuti “nyamadulanthaka” likulewa bza nyamadulanthaka wacikazi.
^ Ayai pinango, “lamulo lin’dzakhala kutali.”
^ Omwe ni Eufrate.
^ Ayai, “an’dzaponda-ponda; an’dzaganyali.”
