17-23 Março
MIMWANI 5
Nyimbo 122 na Mpembo | Mafala Yakufungulira (mph. 1)
1. Thawani Upombo
(mph. 10)
Tingayezedwe kuti ticite upombo (Mim 5:3; w00 15/7 tsa. 29 ndi. 1)
Kucita upombo kumbabweresa msunamo ndipo kumbacitisa kuti munthu akhumbule (Mim 5:4, 5; w00 15/7 tsa. 29 ndi. 2)
Thawani upombo (Mim 5:8; w00 15/7 tsa. 29 ndi. 5)
Mpfumakazi yacitswaka ikulamba kupereka numero yace ya telefoni kwa tswaka linango
2. Cuma Cauzimu
(mph. 10)
-
Mim 5:9 — Kodi kucita upombo kumbacitisa tani munthu kuti apereke ‘ulemu bwace’ kwa wanthu winango? (w00 15/7 tsa. 29 ndi. 7)
-
Pomwe mukhawerenga mavesi ya m’Bibliya ya sumana ino, kodi mwagumana nfundo ziponi zomwe mukufuna kufotokozerambo anzanu?
3. Kuwerengedwa kwa Bibliya
(mph. 4) Mim 5:1-23 (th pfunziro 5)
4. Kuyambisa Maceza
(mph. 3) UPALIZI BWA PADECA. Cemerani munthu omwe ni Mkristau lini kuti abwere ku Cikumbuso, ndipo phatisani basa jw.org kuti mumuthandize kugumana mbuto yomwe in’citikira Cikumbuso kufupi na komwe ambakhala. (lmd pfunziro 6 nfundo 4)
5. Kucita Ulendo Bwakubwereza
(mph. 4) NYUMBA NA NYUMBA. Pa ulendo bwakuyamba munthuyo adatambira mcemo wa Cikumbuso ndipo adalatiza kuti akufuna kudziwa bzizinji. (lmd pfunziro 9 nfundo 5)
6. Kucitisa Pfunziro
(mph. 5) lff pfunziro 16 kodi mwapfunza ciyani?, mibvunzo yakubwerezera na citani ibzi. Nyakupfunzayo akabvunza penu Jezu akhadalowola, mulatizeni momwe angagumanire mtawiro. (lmd pfunziro 11 nfundo 4)
Nyimbo 121
7. Momwe Mungakondwesere Yahova Pomwe Muli pa Umakhadzi
(mph. 15) Nkhani yakucezerana.
Umakhadzi ni “bzinthu bzomwe mwamuna na mkazi angacite kuti alatizane kuti ambafunana.” Iwo angacite bzimwebzo pomwe pana wanthu ayai pomwe ali okha, angacite bzimwebzo mwa cintsintsi ayai angauze wanthu winango, mwakucita kuwonana nkhope na nkhope, kucita kuceza na pa telefoni ayai mwakucita kutumizirana mensaje. Timbawona lini umakhadzi ninga masenzeka, koma ninga njira yomwe imbacitisa kuti wanthu awiri adziwane bwino acifika pa kulowolana. N’ciyani comwe cingathandize maswaka ayai acikulire kuti aleke kucita upombo pomwe ali pa umakhadzi? — Mim 22:3.
Onani VIDIYO yakuti Kukonzekera Banja — Mbali 1: Kodi Ndiri Wakukonzeka Kuyamba Umakhadzi? — Cipande. Mukamala bvunzani abveseri kuti:
-
Thangwe ranyi munthu an’funika lini kukhala pa umakhadzi penu akanati kukonzeka kukhala pa banja? (Mim 13:12; Lu 14:28-30)
-
N’ciyani comwe imwepo mwakomedwa naco na momwe aberekiwa athandizira mwana wawo?
Werengani Mimwani 28:26. Mukamala bvunzani abveseri kuti:
-
N’ciyani comwe wanthu omwe ali pa umakhadzi angacite kuti atcenkhe kucita bzinthu bzomwe bzingawacitise kufika pa kucita upombo?
-
Thangwe ranyi mpsanzeru wanthu omwe ali pa umakhadzi kucezerana bzomwe angacite na bzomwe angacite lini kuti alatizane kuti ambafunana?
Werengani Aefezo 5:3, 4. Mukamala bvunzani abveseri kuti:
-
N’ciyani comwe wanthu omwe ali pa umakhadzi an’funika kutcenkha pomwe akuceza na pa telefoni ayai na vidiyokonferensiya?
8. Pfunziro la Bibliya la Gwere
(mph. 30) lfb pfunziro 65
