• Mim 11:17 — Kodi ni phindu liponi lomwe tin’dzakhala nalo tikakhala wakudeka mtima? (g20.1 tsa 11, kwadru)

  Mtawiro wanu

• Pomwe mukhawerenga mavesi ya m’Bibliya ya sumana ino, kodi mwagumana nfundo ziponi zomwe mukufuna kufotokozerambo anzanu?

  Mtawiro wanu

Pakuti ndife wakuperewera, nthawe zinango tingalewe mafala yakuipa. (Tiy 3:8) Tsono kukumbukira mabvuto yomwe yangabwere thangwe ra kulewa mafala yakuipa kun’dzatithandiza kutcenkha kulewa bzinthu bzomwe patsogolo pace tingadzakhumbule nabzo. M’nyantsimu muna mtundu wa mafala yomwe yangadzonge mtendere m’gwere:

• Mafala yakubzitumbiza. Bzimwebzi bzimbacitika munthu akambabzitumbiza yekha. Kucita bzimwebzi kungacitise kuti winango afune kucita nafe mpikisano ndipo bzingacitisembo kuti akhale na njiru. — Mim 27:2

• Kunama. Yamweya ni mafala lini yakunama yokha, koma yambaphatanidzambo mafala yomwe yambalewedwa utowa na cakulinga cakufuna kupumpsa. Kulewa mafala yakunama napo pang’ono kungacitise kuti wanthu winango aleke kutikhulupira ndipo kungadzongembo mbiri yathu. — Mpa 10:1

• Magunkha. Kumweku ni kulewa bzinthu bzakunama pakulewa bza wanthu winango, bza moyo wawo ayai kuzimbula nkhani zomwe n’zathu lini. (1Ti 5:13) Bzimwebzi bzingacitise kuti wanthu apopotezane nakuti aleke kubverana

• Mafala yaukali. Yamweya ni mafala yomwe timbayalewa mwakusaya kukumbuka bwino kwa munthu omwe atikalipisa. (Aef 4:26) Mafala ningati yamweya yangasunamise wanthu winango. — Mim 29:22

Latizani VIDIYO yakuti Lekani Kumbacita Tsantsa na Omwe Ambadzonga Mtendere — Cipande. Mukamala bvunzani abveseri kuti:

• Mwakubverana na vidiyoyi, mwapfunza ciyani na momwe mafala yathu yangadzongere mtendere m’gwere?

  Mtawiro wanu

Kuti muwone momwe wanthu adakhazikisira mtendere, onani vidiyo yakuti Lingani “Mtendere Ndipo Pitirizani Kukhala Naye.”