KUKHALA NA MOYO WACIKRISTAU
Yahova Ambapulumusa Wale Omwe Adawofoka
Munthu ali-wentse ambasunama nthawe zinango. Munthu akakhala adasunama bzin’funa lini kulewa kuti iye ambakhulupira lini Yahova. Yahova caiyeyo adasunamambo nthawe zinango. (Gen 6:5, 6) Tsono, kodi tingacite tani penu timbakhala tidasunama nthawe zentse?
Kumbirani thandizo Yahova mwakucita mpembo. Yahova ambafunisisa kutithandiza akawona kuti tidasunama. Iye ambadziwa kuti tidasunama ayai tidapfatsa. Iye ambadziwa kuti n’ciyani cikuticitisa kuti tisuname. (Sl 7:9b) Cakufunika kwene-kwene n’cakuti Yahova ambatithandiza kulimbana na msunamo wathu. — Sl 34:18.
Mbakhotcererani makumbukidwe yanu. Kuwofoka kumbaticitisa kuti tikhale wakusaya kukondwa ndipo kumbaticitisambo kuti titaze kunamata bwino-bwino Yahova. Ndipopa tin’funika kukhotcerera mtima wathu ayai unthu bwathu bwa mkati. — Mim 4:23.
ONANI VIDIYO YA MSOLO WAKUTI MOMWE ABALE WATHU AKUPITIRIZIRA KUKHALA PA MTENDERE NAPO AKUTSAUTSIKA MU MTIMA, MUKAMALA BVUNZANI ABVESERI KUTI:
-
Kodi ni bzinthu bziponi bzomwe Nikki adacita kuti akwanise kulimbana na kutsautsika mu mtima?
-
Thangwe ranyi Nikki adawona kuti akhafunika kutambira thandizo la ulapi? — Mat 9:12
-
Kodi n’ciyani comwe Nikki adacita kuti alatize kuti akhathemba Yahova?
