Wanthu azinji ambakhulupira lini atsogoleri wawo. Thangwe ranyi? Thangwe kuyambira kale-kale, wanthu omwe ana udindo ambaphatisa basa udindo bwawobo kuti agumane phindu kwa iwo okha. (Mik 7:3) Timbatenda kwene-kwene akulu wa gwere thangwe adapfunzisidwa kuti ambaphatise basa udindo bwawo kuti athandize wanthu wa Yahova. — Est 10:3; Mat 20:25, 26.

Mwakusiyana na atsogoleri wa m’dzikoli, abale omwe ambatsogolera mu gulu la Yahova ambafuna kukhala na udindo kuti athandize wanthu wa Yahova. (Ju 21:16; 1Pe 5:1-3) Mwakutsogoleredwa na Jezu, akulu amwewa ambathandiza abale kuti abzibve kuti ali m’banja la Yahova na kukhala pa uxamwali bwakulimba na iye. Iwo mwakamfulumize ambathandiza abale akafunikira thandizo la ulapi ayai pakacitika malengwa ya pantsi. Mukafunikira thandizo, mbauzani akulu wa m’gwere mwanu. — Tiy 5:14.

ONANI VIDIYO YA MSOLO WAKUTI ABUSA OMWE AMBASAMALIRA BWINO MABIRA, MUKAMALA BVUNZANI ABVESERI KUTI:

• Kodi n’ciyani comwe akulu adacita kuti athandize Mariana?

  Mtawiro wanu

• Kodi n’ciyani comwe akulu adacita kuti athandize Elias?

  Mtawiro wanu

• Kodi bzomwe abalewa adacitiridwa na akulu bzikukupfunzisani ciyani?

  Mtawiro wanu