Kulewalewa Kwene-kwene: Lekani kukumbuka kuti mun’funika kufotokoza nfundo zense. Jezu akhaphatisira basa mibvunzo pakupfunzisa, kuti akwanise kuthandiza abveseri wace kukumbuka, acifika pakuiphata nfundo ya nkhaniyo. (Mat 17:24-27) Kucita mibvunzo kumbacitisa kuti pfunzirolo lidekeze. Ndipo kumbathandizambo kudziwa penu nyakupfunzayo akubvesesa, acibverana na bzomwe akupfunzabzo. (be-CN tsa. 253 ndi. 2-3) Mukambacita mbvunzo, mbadikhirani mpaka iye atawire. Tsono nyakupfunzayo akapereka mtawiro wakuphonyeka, lekani kumutawirira mbvunzoyo, koma citani mibvunzo yakuthumizira kuti mumuthandize kufika pakuiphata yekha nfundo ya nkhaniyo. (be-CN tsa 238 ndi. 1-2) Lewalewani mu njira yomwe in’citisa nyakupfunza wanu kubvesesa nfundo zipsa.—be-CN 230 ndi. 4.

Kukhwimisa Bzinthu: Tcenkhani cizolowezi cakumbafuna kufotokoza bzinthu bzense bzomwe mun’dziwa pa nkhaniyo. (Ju 16:12) Mbandotsungirani kubvekesa nfundo yakufunika ya pa ndimeyo basi. (be-CN tsa. 226 ndi. 4 na tsa. 227 ndi. 1) Kufotokoza bzinthu bzizinji, napo bzicikhala bzakufunika, bzingacitise kuti nyakupfunzayo aleke kubvesesa nfundo zakufunika za nkhaniyo. (be-CN tsa. 235 ndi. 3) Nyakupfunzayo akandobvesesa nfundo ya nkhaniyo, mungayende pa ndime inango.

Kundocita Mibvunzo na Mitawiro: Pakucitisa pfunziro la Bibliya, cakulinga cathu n’cakutokonya mtima wa munthuyo, sikuti kundocita mibvunzo na mitawiro. (Lu 24:32) Mbaphatisani basa Fala la Mulungu lomwe ndaphanvu mwakumbawerenga mavesi yomwe yankuthandizira nkhaniyo. (2Wak 10:4; Waheb 4:12; be-CN tsa. 144 ndi. 1-3) Mbaphatisani basa mathere yakusaya kunesa kubvesesa. (be-CN tsa. 245 ndi. 2-4) Bzidziweni bzinthu bzomwe nyakupfunza wanuyo ambaneseka nabzo pabodzi na bzomwe iye ambakhulupira, mucimbakumbukira bzimwebzo pomwe munkupfunza nayepo. Mbamucitani mibvunzo ninga iyi: “Kodi munkuiwona tani nkhani imweyi?” “Kodi bzimwebzi bzinkutipfunzisa ciyani bza Yahova?” “Kodi kuphatisa basa malango yamweya kungakubweresereni phindu liponi?”—be-CN tsa. 238 ndi. 3-5; tsa. 259 ndi. 1.