MBVUNZO 7
Kodi Bibliya Lidaleweratu Ciyani bza Nsiku Zathu Zino?
‘Mtundu un’dzamukirana na mtundu unzace, ndipo boma lin’dzamukirana na boma linzace . . . Bzensenebzi ni ciyambi ca matsautso ninga momwe bzimbawawira pakubereka.’
‘Ndipo kun’dzabwera wapolofeta wazinji wakunama, wacidzapambusa wanthu wazinji; ndipo thangwe ra kuthumizirika kwa kusaya kubvera bzakutonga, lufoyi la wazinji lin’dzamala mphanvu.’
‘Mukadzabva kulewa bza nkhondo na nkhani za nkhondo, lekani kudzacita mantha pakuti bzinthu bzimwebzi bziti bzidzacitike, koma cimaliziro cin’dzakhala cikanati kufika.’
‘Kun’dzawoneka bziteke-teke bzikulu, ndipo m’mbuto zakusiyana-siyana, mun’dzawoneka bzisi na njala. Bzin’dzawonekambo bzinthu bzakugopswa, na bzizindikiro bzikulu bzakucokera kudzulu.’
‘M‘nsiku zakumalizira, pan’dzakhala na nthawe zakupambulika na zakunesa. Pakuti wanthu wan’dzakhala wakubzifuna, wakufuna kobiri, wakubzibva, wakubzikuza, wakunyoza Mulungu, wakusaya kubvera wabereki, wakusaya kutenda, wakusaya kukhulupirika, wakusaya kufuna abale wawo, wakusaya kufuna mbverano, wakulewera bzakuipa wanzawo, wakusaya kubziphata, wakulusa, wakusaya kufuna ubwino, wakupandukira wanzawo, wa mtimbo, wakusamwa, wakufunisisa kudzikondwesa iwo wokha kuposa kukondwesa Mulungu, wacimbawoneka ninga wakubzipereka kwa Mulungu koma wacimbalamba kuti mphamvu yakubzipereka kwawoko iwacinje.’
