“Kun’dzakhala kumuka kwa anyakufa, wakulungama na wakusaya kulungama.”—Mabasa 24:15.

Bzin’dzakutsangalazani mukasaikidwa.—2 Akolinto 1:3, 4.

Bzin’dzakutsudzulani pa mantha ya anyakufa.—Ahebereu 2:15.

Bzin’dzakupasani cidikhiro cacadidi cakudzagumana pomwe na wakufunidwa wanu womwe wadafa.—Juwau 5:28, 29.

Inde, pa mathangwe matatu:

• Mulungu ni Mulengi wa moyo. Bibliya limbalewa kuti Yahova Mulungu ni ‘ntsansa ya moyo.’(Salimo 36:9; Mabasa 17:24,25) Ule omwe adapasa moyo bzakulengedwa bzentse, an’kwa nisiratu kubwezeresa moyo wa anyakufa.

• Mulungu adalamusa kale anyakufa m’mbuyomu. Bibliya limbatipasa bziratizo bza wanthu asere—atswaka, akulu-akulu, amuna na akazi— womwe wadabweresedwa ku moyo pantsi pano. Winangowo wakhadandofa mu nthawe ing’ono-ng’ono, tsono m’bodzi akhali kale mu nthutu ntsiku zinai!—Juwau 11:39-44.

• Mulungu ankufunisisa kucita pomwe bzimwebzo. Yahova amba­wenga infa; iye ambaiwona ninga nyamadulanthaka.(1 Akolinto 15:26) Iye ankufunisisiratu kumalisa infa mwa kulamusa anyakufa, tenepo acikunda nya madulanthakayo. Iye an’funa kuwabweresa pomwe wale womwe wali m’makumbukidwe yace, aciwawona pomwe na moyo pantsi pano.—Djobi 14:14, 15.