Gawo 4
Utumiki bwa Jezu ku Judeya
‘Kumbirani kuna mweneciro kubvuna kuti atumize anyabasa kuti adzam’bvunire.’—Luka 10:2
MU GAWOLI
MSOLO 66
Jezu Ali ku Jeruzalemu ku Cikondweso ca Matsatsa
Kodi thangwe ranyi wanthu winango omwe akhatetekera Jezu adakumbuka kuti Jezuyo akhana dimonyo?
MSOLO 67
‘Palibe Munthu Omwe Adalewalewa Kale Ninga Iye’
Ayeruzi wense wa mu Sinedriyo akhatsutsa Jezu, kupambula m’bodzi omwe akhamutawirira.
MSOLO 68
Mwana wa Mulungu ni ‘Ceza ca Dziko’
Jezu adalewa kuti ‘cadidi cin’dzakutsudzulani.’ Kodi cingadatitsudzula ku bzinthu bziponi?
MSOLO 69
Kodi Baba Wawo Akhali Abalahamu ayai Dyabu?
Jezu adafotokoza momwe tingawadziwire wana wa Abalahamu, nakuti Baba wace ni mbani.
MSOLO 70
Jezu Adapoza Munthu Omwe Adabadwa Zimola
Anyakupfunza wa Jezu adabvunza kuti thangwe ranyi munthuyo akhali zimola. Kodi iye adaphonya? Kodi abereki wace adaphonya? Wanthu adakhala wakugawanika pomwe Jezu adapoza munthuyo.
MSOLO 71
Afarizeu Adanesana na Munthu Omwe Akhali Zimola
Nfundo yomwe munthu omwe akhali zimola ule adalewa idakalipisa Afarizeu. Abereki wace akhagopa kuti Afarizeu angadawathamangisa mu sinagoga.
MSOLO 72
Jezu Adatumiza Anyakupfunza Wace 70 Kuti Akapalizire
Ku Judeya Jezu adatumiza anyakupfunza wakukwana 70 ndipo adawauza kuti ayende kukapalizira bza Umambo. Kodi anyakupfunzawo adakapalizira kuponi, ku sinagoga ayai ku nyumba za Wanthu?
MSOLO 73
Msamariya Adalatiza Bzomwe Bzimbathandauza Kukhala Mwanzathu Wacadidi
Kodi Jezu adaphatisa tani basa there la Msamariya wansisi, ayai ‘Msamariya wabwino’ pa kupfunzisa nfundo yakufunika kwene-kwene?
MSOLO 74
Bzomwe Tinkupfunza pa Nkhani Yakutambira Alendo na Mpembo
Jezu ankuzungira Mariya na Marta kumui kwawo. Kodi n’ciyani comwe iye ankuwapfunzisa pa nkhani ya kutambira alendo? Ndipo patsogolo pace adapfunzisa anyakupfunza wace kuti ambapembe tani?
MSOLO 75
Jezu Adafotokoza Bzinthu Bzomwe Bzingacitise Munthu Kukhala Wakukondwa
Jezu adatawira wanthu omwe adamumanga mulanduwo bza ‘cala ca Mulungu’ na momwe Umambo bwa Mulungu budawafikira. Iye adalewa pomwe momwe wanthu angagumanire cikondweso ca cadidi.
MSOLO 76
Adalalira Kumui kwa Mfarizeu
Jezu adazimbula cinyengo comwe cikhalipo mkati mwa cipembedzo ca Afarizeu na anembi. Kodi ni mitolo ya mtundu wanyi yomwe Afarizeu akhakakamiza wanthu kuinyamula?
MSOLO 77
Jezu Adapereka Malango pa Nkhani ya Cuma
Jezu adafotokoza there lakulewa bza munthu wa Cuma omwe adamanga magwangwa makulu-makulu pa mui pace. Kodi ni malango yaponi yomwe Jezu adabwerezera kulewa pa nkhani ya kugoswa kwa kulinga Cuma?
MSOLO 78
Nyakunyang’anira Nyumba Wakukhulupirika An’funika Kukhala Wakukonzeka!
Jezu adalatiza kuti ambafuna anyakupfunza wace kuti akhale bwino mwa uzimu. Kodi nyakunyang’anirayo ambacita ciyani pakulatiza kuti ambafuna kuti wanthu akhale bwino mwa uzimu? Thangwe ranyi malango yomwe Jezu adalewa ya ‘kukhala wakukonzeka’ njakufunika?
MSOLO 79
Thangwe Ranyi Ajuda Akhafunikira Kupfudzidwa?
Jezu adalewa kuti wanthu omwe iye adayezera kuwathandiza omwe angadasaya kukungula, an’dzakhala mu gulu la omwe an’dzapfudzidwa. Kodi iwo adatenga pfunziro na nfundo yakufunika yomwe Jezu adayezera kuwapfunzisa pakulewa bza kukhulupira Mulungu?
MSOLO 80
M’busa Wabwino na Mathanga ya Mabira
Nverano omwe ukhalipo pakati pa makabusa na mabira yace, udalatiza momwe Jezu akhabvera na anyakupfunza wace. Kodi iwo adazindikira bzomwe Jezu akhapfunzisa, acitewera utsogoleri bwace?
MSOLO 81
Jezu na Baba Wace ni M’bodzi, Koma Jezu si Mulungu
Winango akhanamizira Jezu kuti akhabziti Mulungu ayai wakundendemerana na Mulungu. Kodi iye adalamba tani mwa nzeru bzomwe akhamunamizirabzo?