PFUNZIRO 55
Kodi Mungathandizire Tani Gwere Lanu?
Pa dziko lentse la pantsi wanthu azinji akunamata Yahova mwakukondwa m’magwere yakusiyana-siyana. Iwo ambatenda malango yomwe ambatambira na kutsogoloredwa na Yahovayo, ndipo ambafunisisa kuthandizira gwere mwakusiyana-siyana. Kodi ndibzo bzomwe mumbawona m’gwere mwanu?
1.Kodi imwepo mungacite tani kuti muphatise basa nthawe yanu na mphanvu zanu kuti muthandizire gwere lanu?
Tentsenefe tingathandizire gwere lathu. Mwa ciratizo, kodi m’gwere mwanu muna wanthu wacikulire ayai omwe akuduwala? Kodi mungawatenge muciyenda nawo ku mitsonkhano? Ayai kodi mungambawathandize pa bzinthu bzinango ninga kukawagulira bzinthu ku bazali ayai kuwacitira mabasa ya pamui? (Werengani Tiyago 1:27.) Ifepano tingabziperekembo kuti tithandizire pa basa lakucenesa na kukonza bzinthu bzomwe bzadzongeka pa Nyumba ya Umambo. Palibe munthu omwe ambatingingimiza kucita bzimwebzi, koma lufoyi lathu kwa Yahova na kwa abale ndiro lomwe limbaticitisa ‘kubzipereka’ na mtima wentse. — Salimo 110:3.
Akristau wakubatizidwa angathandizire gwere mu njira zinango zakusiyana-siyana. Abale wakuthemera angathandizire gwere mwa kutumikira ninga atumiki wakuthandiza ayai ninga akulu. Ndipo abale na mpfumakazi wentse angathandizire mwa nyongo basa lakupalizira mwa kutumikira ninga apainiya. Mboni zinango za Yahova zimbathandizira basa lakumanga nyumba zakunamatira ndipo zinango zimbafulukira ku mbuto komwe kuna magwere yomwe yakufunikira thandizo.
2.Kodi tingaphatise tani basa kobiri na bzinthu bzathu kuti tithandizire gwere?
Ifepano ʼtingalemekeze “Yahova” na bzinthu bzomwe tinabzo.ʼ (Mimwani 3:9) Timbakomedwa kuphatisa basa kobiri zathu na bzinthu bzinango kuti tithandizire gwere lathu na basa lakupalizira lomwe likucitika pa dziko lentse la pantsi. (Werengani 2 Akolinto 9:7.) Bzakupereka bzathu bzimbathandizirambo kukacitika malengwa ya pantsi. Wanthu winango ambakoya “ciri-centse pambali” kuti ambapereke nthawe zentse. (Werengani 1 Akolinto 16:2.) Tingacite bzakupereka bzathu mwa kuthusa kobiri m’tumakaxa tomwe tumbagumanika ku nyumba zathu za Umambo ayai pa interneti pomwe padanemba kuti donate.pr418.com. Yahova ambatipasa mpata wakulatiza lufoyi lathu kwa iye na momwe timbasankhulira kuphatisa basa kobiri zathu na bzinthu bzathu.
FUFUDZANI BZINANGO
Fufudzani njira zinango za momwe mungathandizire gwere.
3. Thandizani gwere na bzakupereka bzanu
Yahova na Jezu ambafuna wanthu omwe ambapereka na mtima wentse. Mwa ciratizo, Jezu adatenda mamsiwa omwe akhana kobiri ing’ono-ng’ono yomwe adaipereka kwa Yahova. Werengani Luka 21:1-4, ndipo mukamala cezeranani mibvunzo ikutewerayi:
-
Kodi tin’funika kupereka kobiri zizinji kuti tikondwese Yahova?
-
Kodi Yahova na Jezu ambabva tani tikambacita bzakupereka bzathu na mtima wentse?
Kuti mudziwe momwe bzakupereka bzathu bzimbaphatisidwira basa, onani VIDIYO. Mukamala cezeranani mbvunzo wakutewerayu.
-
Kodi bzakupereka bzimbaphatisidwa tani basa pakuthandiza magwere pa dziko lentse la pantsi?
4. Tingabzipereke kuti tithandize
Atumiki wakale-kale wa Yahova, akhambafuna kwene-kwene kusamalira mbuto zawo zakunamatira Yahova. Tsono bzimwebzi bzikhaphatanidza bzizinji sikuti kundopereka kobiri. Werengani 2 Nkhani 34:9-11, ndipo mukamala cezeranani mbvunzo wakutewerayu:
-
Kodi Ajirayeri akhathandiza tani kusamalira nyumba ayai mbuto yakunamatira Yahova?
Kuti muwone momwe Mboni za Yahova zimbatewezerera wanthu wa kale-kale, onani VIDIYO. Ndipo mukamala cezeranani mibvunzo ikutewerayi.
-
Thangwe ranyi mpsakufunika kuti Nyumba zathu za Umambo zimbakhale zakucena na zakusamaliridwa bwino?
-
Kodi imwepo mungathandizirembo tani?
5. Abale angacite bzizinji pakuthandizira gwere
Bibliya limbalimbikisa abale kucita bzentse bzomwe angakwanise kuti athandizire gwere. Kuti muwone ciratizo, onani VIDIYO. Ndipo mukamala cezeranani mibvunzo ikutewerayi.
-
Mu vidiyoyi, kodi Riyani wacita ciyani kuti athandizire bwino-bwino gwere?
Bibliya limbafotokoza bzinthu bzomwe munthu an’funika kucita kuti athemere kukhala mtumiki wakuthandiza ayai mkulu wa gwere. Werengani 1 Timotio 3:1-13, ndipo mukamala cezeranani mibvunzo ikutewerayi:
-
Kodi ni makhalidwe yaponi yomwe m’bale omwe an’funa kutumikira ninga mtumiki wakuthandiza ayai mkulu an’funika kukhala nayo?
-
Kodi wanthu wa m’mabanja mwawo an’funika kukhala na makhalidwe yaponi? — Onani vesi 4 na 11.
-
Kodi gwere limbagumana phindu liponi abale akacita nyongo kuti akhale na udindo m’gweremo?
WANTHU WINANGO AMBALEWA KUTI: “Kodi Mboni za Yahova zimbagumana kuponi kobiri zakucitira mabasa yawo?”
-
Kodi mungatawire tani?
KODI MWAPFUNZA CIYANI?
Yahova ambatenda kwene-kwene nyongo yathu yakuthandizira gwere mwakuphatisa basa nthawe yathu, mphanvu na bzinthu bzomwe tinabzo.
Mibvunzo yakubwerezera
-
Kodi tingaphatise tani basa nthawe na mphanvu zathu kuti tithandizire gwere?
-
Kodi tingaphatise tani basa bzinthu bzomwe tinabzo kuti tithandizire gwere?
-
Kodi imwepo mungacite tani kuti muthandizire gwere lanu?
ONANI POMWE IBZI
Onani thangwe ranyi Mulungu ambakumbira lini pomwe atumiki wace kuti ambapereke cakhumi.
“Kodi Bibliya Limbati Ciyani pa Nkhani ya Cakhumi?” (Nkhani ya pa jw.org)
Bibliya limbapereka mabasa manango kuna amuna wakubatizidwa. Tsono tani akazi wakubatizidwa akafunambo kucita mabasayo?
“Udindo Bomwe Akulu Anabo m’Gwere” (Ntsanza ya Mulindiri ya Fevereiro, 2021)
Dziwani Mboni zinango za Yahova zomwe mwakukhwimika zidacita nyongo yakunyamula mabukhu kuti akapase abale wawo.
Mwakusiyana na bzipembedzo bzinango, kodi kobiri zomwe timbaziphatisa basa pa basa lathu?
Imwepo Mungakomedwembo na
MIBVUNZO YAKUBVUNZIDWA KAWIRI-KAWIRI
Kodi Pfunziro la Bibliya N’ciyani?
Onani mitawiro ya mibvunzo ya programa yathu ya pfunziro la Bibliya lafovolo.
