Kodi Mulungu An’funa Ciyani?
Mulungu an’funa kuti tikhale na moyo wa mtendere na wa cikondweso m’paraizo pansi pano, mpaka muyaya!
Tsono, pinango imwepo mungabzibvunze kuti: ‘Kodi bzingacitike tani bzimwebzo?’ Bibliya limbalewa kuti Umambo bwa Mulungu bun’dzacitisa kuti bzimwebzi bzikwanisike, ndipo n’kufuna kwa Mulungu kuti wanthu wense wapfunze bza Umambo bumwebu pabodzi na bzomwe iye an’funa kucitira ifepano.
Mulungu an’funa ubwino bwathu.
Ninga momwe baba wabwino ambafunira ubwino wana wace, Baba wathu wa kudzulu ambafunambo kuti tikhale na cikondweso cakusaya kumala. (Zaiya 48: 17, 18) Iye adapicira kuti omwe ‘an’cita kufuna kwa Mulungu, an’dzakhala mwakuyenderera.’
Mulungu an’funa kuti tifambe mu njira zace.
Bibliya limbalewa kuti Mulengi wathu an’funa ‘kutipfunzisa njira zace’ kuti ‘tifambe mu njira zacezo.’ (Zaiya 2:2, 3) Iye adalinganiza ‘wanthu wakudziwika na dzina lace’ kuti wadziwise kufuna kwace pa dziko lense la pansi.
Mulungu an’funa kuti tiphatane pa kumunamata kwathu.
Mwakusaya kugawanisa wanthu, kunamata kwakucena kwa Yahova kunkuwaphatanidza na lufoyi lacadidi. (Juwau 13: 35) Mbani lero ankupfunzisa amuna na akazi m’mbuto zense momwe wangatumikire Mulungu mwakuphatana? Tinkukulimbisani kudziwa bzimwebzi mwa kuwerenga broxurali.
Imwepo Mungakomedwembo na
BZA IFE
Kodi Pfunziro la Bibliya LimbacitidwaTani?
Pa dziko lense la pansi, Mboni za Yahova zimbadziwika na mapfunziro yawo ya Bibliya ya fovolo yomwe zimbapereka. Onani momwe yambacitidwira.
BZA IFE
Thangwe Ranyi Tin’funika Kupfunza Bibliya?—Vidiyo Yense
Bibliya linkupereka mitawiro ya mibvunzo yakufunika kwene-kwene kwa wanthu bzulu na bzulu, kuzungulira dziko lense la pansi. Kodi mun’funa kukhalambo m’bodzi wa wanthu amwewo?
