Mbani ankutongadi dzikoli?
Mun’kumbuka kuti ni . . .
-
Mulungu?
-
wanthu?
-
ayai cinangombo?
BIBLIYA LIMBATI
‘Dziko lentse liri m’manja mwa nyakuipayo.’—1 Juwau 5:19.
‘Mwana wa Mulungu adawonekera kuti apfudze mabasa ya Dyabu.’—1 Juwau 3:8.
PHINDU LACE MUKAKHULUPIRA BZIMWEBZI
Mun’dzagumana mitawiro yakulongosoka ya mabvuto ya m’dzikoli.— Apokalipse 12:12.
Mun’dzakhala na mathangwe yakukhulupira kuti dziko lathuli lin’dzacinja, licikhala labwino.—1 Juwau 2:17.
KODI TINGAKHULUPIREDI BZOMWE BIBLIYA LIMBALEWA?
Inde, pa mathangwe matatu:
-
Utongi bwa Sathani bwamala kale. Yahova watonga kumalisa utongi bwa Sathani kwa wanthu. Iye ankupicira ‘kudzapfudza Dyabu,’ acibwezereseratu bzentse bzomwe iye adadzonga.—Ahebereu 2:14.
-
Mulungu adasankhula Jezu Kristu kuti atonge dziko. Jezu ambatsutsaniratu na mtongi wakuipa wa dzikoli. Pakulewa bza utongi bwa Jezu, Mulungu akupicira kuti: ‘Iye an’dzawabvera ntsisi anyakubzicepswa na wamphawi. . . An’dzalombola moyo wa anyakuponderezedwa na anyakucitiridwa ciwembo.’—Salimo 72:13, 14.
-
Mulungu anganame lini. Bibliya limbaleweratu padeca kuti: “Iye anganame lini.” (Ahebereu 6:18) Yahova akapicira kucita cinthu, bzimbakhala nigati bzacitika kale! (Zaiya 55:10, 11) “Tsapanopapa mtongi wa dzikoli an’thothedwa.”—Juwau 12:31.
KUTI MUKUMBUKIRE
Kodi dzikoli lin’dzakhala tani akadzacosedwa mtongi wace?
Bibliya limbatawira mbvunzoyu pa SALIMO 37:10, 11 na APOKALIPSE 21:3, 4.
Imwepo Mungakomedwembo na
BZA IFE
Thangwe Ranyi Tin’funika Kupfunza Bibliya?—Vidiyo Yense
Bibliya linkupereka mitawiro ya mibvunzo yakufunika kwene-kwene kwa wanthu bzulu na bzulu, kuzungulira dziko lense la pansi. Kodi mun’funa kukhalambo m’bodzi wa wanthu amwewo?
BZA IFE
Kumbirani kuti Mboni za Yahova zidzakuzungireni.
Cezani Nkhani za m’Bibliya na Mboni za Yahova ayai yezerani kupita mu programa yathu yakukumbirira pfunziro la Bibliya la fovolo.
