PFUNZIRO 16
Kulewalewa Mwakulimbisa
Djobi 16:5
BZOMWE MUNGACITE: Mbuto mwa kumala nthawe itali mucimbalewa bza mabvuto, fotokozani bzinthu bzomwe bzingalimbise abveseri wanu.
MOMWE MUNGACITIRE:
-
Mbawonani abveseri wanu mwakuthemera. Khulupirani kuti Akristau anzanuwo an’funa kukondwesa Yahova. Mukafuna kuwapasa malango, cakuyamba atendeni na mtima wense pa bzomwe ankucita kale bwino.
-
Cepesani kulewa bzinthu bzakuipa mu nkhani yanu. Mungafotokoze pang’ono bzinthu bzakuipa kuti mukwanirise cakulinga canuco. Tsono kabvekedwe ka fala lanu pakufotokoza nkhaniyo kakhale kakulimbisa.
-
Phatisani basa bwino Fala la Mulungu. Latizani abveseri wanu bzomwe Yahova wacita, bzomwe ankucita na bzomwe adzacitire wanthu kutsogoloku. Thandizani abveseri wanu kukhala wakulimba mtima.
