Kumbukirani bzomwe abveseri wanu ambabzidziwa kale. M’mbuto mwa kundobwerezera bzinthu bzomwe abveseri wanu ambadziwa kale, athandizeni kuwona nkhaniyo mu njira yakusiyana.

Fufudzani, mucikumbukira nkhaniyo. Bzikakwanisika, mungaphatise basa bzinthu bzomwe abveseri akanati kubzibva kale ayai bzomwe bzacitika tsapanopa kuti mubvekese nfundo zikulu-zikulu. Kumbukirani kwene-kwene kuti muwone kubverana pakati pa nkhani yanuyo na nfundo yomwe mun’funa kuibvekesa.

Latizani kufunika kwa nkhani yanu. Fotokozani momwe nfundo za m’Bibliya zingathandizire abveseri wanu pa moyo wawo wa nsiku na nsiku. Afotokozereni momwe iwo angaphatisire basa bzomwe apfunzabzo kuti acinje makhalidwe, bzicito na mbali zinango za pa moyo wawo.