Thandizani abveseri wanu kumbabzipenda. Mbacitani mibvunzo yomwe ingacitise munthu kukumbukira kuti muthandize abveseri wanu kupenda momwe nkhaniyo inkuwatokonyera.

Zindikirani kuti abveseri an’funa kucita bzinthu bzabwino. Limbisani abveseri wanu kupenda thangwe lomwe ambacitira bzinthu bzabwino. Athandizeni kukhala na mathangwe yabwino yakucitira bzimwebzo, ninga kufuna Yahova, wanthu winango pabodzi na mapfunziso ya Bibliya. Athandizenimbo kuwona kufunika kwa bzomwe Bibliya limbapfunzisa, ndipo tcenkhani kumbawatsutsa. M’mbuto mwa kuwacitisa manyazi, alimbiseni, ndipo kuphampha kwa nkhani yanu awuzeni kuti aphatise basa bzomwe apfunzabzo.

Thandizani abveseri wanu kuwona kuti Yahova ndiye ankuwapfunzisa. Latizani momwe mitemo na mapfunziso ya m’Bibliya yambalatizira makhalidwe ya Mulungu na lufoyi lace kwa ifepano. Thandizani abveseri wanu kumbakumbukira momwe Yahova ambabvera na bzomwe iwo ambacita kuti afune kumukondwesa.