NKHANI ZAKUTHUMIZIRA C
Momwe Mungacitisire Mapfunziro ya Bibliya Mwakuphatisa Basa Bukhu Lakuti Khalani na Moyo Wakukondwa Mpaka Kale-kale!
Abale adacita nyongo yakufufudza na kupemba kuti akwanise kuzindikira nfundo zakufunika kuikhidwa mu bukhu lakuti Khalani na Moyo Wakukondwa Mpaka Kale-kale! Kuti imwepo mugumane phindu na bukhuli, phatisani basa njira ziri m’nyantsizi pakucitisa mapfunziro yanu ya Bibliya.
Pomwe mukanati kuyenda kukacitisa pfunziro
-
1. Mbakonzekerani bwino. Pakukonzekerapo, mbakumbukirani momwe bzinthu bziriri kwa nyakupfunza wanuyo, bzomwe iye ambakhulupira na bzomwe an’funikira kucita kuti apitirize kuyenda patsogolo. Ndipo mbakumbukiranimbo nfundo zomwe zingamunese kubvesesa ayai kuziphatisa basa pa moyo wace. Mungawonembo mbali yakuti “Onani Pomwe Ibzi” kuti muwone nfundo zomwe mungaziphatise basa pa pfunziro lanu kuti muthandize yakupfunza wanu.
Pomwe mukucitisa pfunziro
-
2. Mbayambani na kumaliza na mpembo pa pfunziro lanu bzikakhala kuti nyakupfunza wanuyo akubverana nabzo.
-
3. Tcenkhani kulewalewa kwene-kwene. Mbafotokozani nkhani zomwe ziri m’pfunzirolo ndipo mbapasani mpata nyakupfunza wanu kuti afotokozembo.
-
4. Pomwe mukuyamba kupfunza mbali iri-yentse ya m’bukhuli, yambani na kuwerenga mbali yakuti bzomwe mun’funika kudziwa ndipo werenganimbo misolo yomwe mun’pfunza.
-
5. Mukamala kupfunza misolo ya mbali iri-yentse ya m’bukhuli, phatisani basa mbali ya mibvunzo yakubwerezera kuti muthandize nyakupfunza wanu kukumbukira bzinthu bzomwe apfunza.
-
6. Pomwe mukupfunza na nyakupfunza wanu mungacite ibzi:
-
Werengani ndime.
-
Werengani mavesi yentse yomwe yadanemba kuti “Werengani.”
-
Bzikafunikira werengani mavesi yanango yomwe yalibe kunembedwa kuti werengani.
-
Onesani mavidiyo yentse yomwe yadanemba kuti “Onani Vidiyo” (penu yakugumanika).
-
Citani mibvunzo yentse kwa nyakupfunza wanu.
-
Kumbirani nyakupfunza wanu kuti afotokoze bzithunzi-thunzi pa mbali yakuti “Fufudzani Bzinango.”
-
Phatisani basa kwadru yakuti “Citani Ibzi” kuti muthandize nyakupfunza wanu kuyenda patsogolo mwauzimu. Ndipo mun’funika kumulimbikisa kuphatisa basa bzinthu bzomwe bzimbabwera pa kwadruyi.
-
Bvunzani nyakupfunza wanu kuti ni nkhani iponi ayai ni vidiyo iponi yomwe yamudekera pomwe akhakonzekera pfunzirolo pa mbali yakuti “Onani Pomwe Ibzi.”
-
Pomwe mukupfunza yezerani kumaliza pfunziro lentse.
-
Mukamaliza pfunziro
-
7. Pitirizani kukumbukira nyakupfunza wanu. Pembani kwa Yahova kuti asimbe nyongo ya nyakupfunza wanu yakuyenda patsogolo nakuti akupasenimbo nzeru kuti mudziwe momwe mungamuthandizire.
