KUYAMBISA MACEZA
PFUNZIRO 5
Mbalewalewani Mwakusamala
Vesi: “Mafala yanu nthawe zentse yan’funika kukhala yabwino.” — Akol. 4:6.
Kodi n’Ciyani Comwe Paulo Adacita?
1. Onani VIDIYO, ayai werengani Mabasa 17:22, 23. Patsogolo pace kumbukirani mibvunzo iyi:
-
Kodi Paulo adabva tani pomwe adawona bzinthu bzomwe wanthu wa bzipembedzo bzakunama akhacita ku Atena? — Onani Mabasa 17:16.
-
M’mbuto mwakupasa mulandu wanthu wa ku Atena, kodi Paulo adaphatisira tani basa bzinthu bzomwe iwo akhakhulupira kuti awapalizire mafala yabwino?
Kodi Tikupfunza Ciyani na Bzomwe Paulo Adacita?
2. Wanthu angafune kutitetekera tikambasankhula bwino mafala yathu, momwe timbalewalewera na nthawe yomwe tingalewelewe.
Tewezerani Paulo
3. Mbasankhulani bwino mafala yanu. Mwaciratizo, mukambaceza na munthu omwe ni Mkristau lini, imwepo mun’funika kucinja momwe mumbayambisira maceza pakulewa bza Bibliya na Jezu.
4. Mbatcenkhani kukulumiza kugaza munthu. Mbasiyani kuti munthu ambalewelewe mwakutsudzuka. Ndipo iye akalewa cinthu comwe cikubverana lini na bzomwe Bibliya limbapfunzisa, lekani kukulumiza kutawira. (Tiy. 1:19) Dziwani kuti imwepo mukamutetekera, mun’dzakwanisa kubvesesa bzomwe iye ambakhulupira na thangwe race. — Mim. 20:5.
5. Mbamutendani munthuyo bzikakwanisika. Pinango iye angawone kuti bzomwe ambakhulupira mpsacadidi. Tenepo, mbayambani kucezerana pa bzomwe imwepo na munthuyo mumbakhulupira ndipo patsogolo pace muthandizeni kubvesesa bzomwe Bibliya limbapfunzisa.
ONANI POMWE IBZI
Mim. 25:15; 2 Tim. 2:23-26; 1 Ped. 3:15
