Kodi n’Ciyani Comwe Jezu Adacita?

Kodi Tikupfunza Ciyani na Bzomwe Jezu Adacita?

2. Ifepano tin’funika kukhala wakupirira thangwe wanthu winango ambabvuma mafala yabwino pambuyo pakutenga nthawe izinji kusiyana na winango.

 Tewezerani Jezu

3. Mbayezerani kuphatisira basa njira zinango. Imwepo mun’funika lini kungingimiza munthu omwe an’funa lini kupfunza Bibliya. Ndipo bzikakwanisika, mbaphatisani basa mavidiyo ayai nkhani zomwe zingamuthandize kubvesesa kuti pfunziro la Bibliya limbacitika tani na phindu lomwe an’dzagumana.

4. Mbatcenkhani kundendemezera wanthu omwe timbawapalizira. Munthu ali-wentse ngwakusiyana na winango. Penu munthu m’bodzi wa m’banja ayai munthu omwe mudaceza naye akuzeza ayai akulamba kupfunza Bibliya, imwepo mun’funika kuzindikira kuti n’thangwe ranyi iye akucita tenepoyo. Kodi ni thangwe rakuti pana cinthu cinango comwe iye ambapfunza ku cipembedzo cace comwe ambacikhulupira kwene-kwene? Kodi iye akugopa famidya yace ayai avizinyu wace? Mupaseni nthawe yakuti akumbukire bzomwe mwalewa na kuwona kufunika kwa kupfunza Bibliya.

5. Mbapemphererani munthu omwe akufuna kudziwa bzizinji. Kumbirani Yahova kuti akuthandizeni kukhala na makumbukidwe yabwino na cidikhiro. Pembani kwa Yahova kuti akuthandizeni kuzindikira munthu omwe akufuna lini kudziwa bzizinji na nthawe yomwe mungaime kumuzungira. — 1 Ako. 9:26.