N’ciponi cintsintsi ca moyo wacikondweso m’banja?
Mun’kumbuka kuti ni . . .
-
lufoyi?
-
kobiri?
-
ayai cinthu cinangombo?
BIBLIYA LIMBATI
“Wakusimbidwa ngule omwe ambabva mafala ya Mulungu aciyakoya!”—Luka 11:28.
PHINDU LACE MUKAKHULUPIRA BZIMWEBZI
Mun’dzagumana lufoyi lacadidi.—Wayefezo 5:28, 29.
Mun’dzalemekezedwa caibzo.—Aefezo 5:33.
Mun’dzakhala na cisungiko cacadidi.—Marko 10:6-9.
KODI TINGAKHULUPIREDI BZOMWE BIBLIYA LIMBALEWA?
Inde, pa mathangwe mawiri:
-
Mulungu ndiye adayambisa moyo wa m’banja. Bibliya limbalatiza kuti Mulungu ndiye adayambisa makonzedwe ya m’banja. (Ciyambo 2:18-24) M’mafala yanango, ciphatano ca m’banja, ciripo thangwe Yahova ndiye adacibweresa. Thangwe ranyi nzeru imweyi nja thandauzo?
Kumbukirani ibzi: Mucidya cakudya cakukoma bwino, mucifunambo kudziwa bzomwe bzaphatisidwa basa pakuciphikapo, imwepo mungadabvunza mbani? Mwa nzeru imwepo mungadabvunza nyakuciphikayo.
Bzibodzi-bodzimbo, kuti tidziwe bzakufunika kuti banja lathu likondwe, tingacite bwino kulinga Yahova, pakuti ndiye adayambisa makonzedwe ya banja.
-
Mulungu ambakukumbukirani. Mabanja ya nzeru, yambalinga malango ya Yahova, yomwe ambapereka m’Fala lace. Thangwe ranyi? ‘Thangwe iye ambakukonkhobzani.’ (1 Pedru 5:6, 7) Yahova an’funa ubwino bwanu kucokera pansi pa mtima—ndipo malango yace yambaphata basa nthawe zense!—Mimwani 3:5, 6; Zaiya 48:17, 18.
KUTI MUKUMBUKIRE
Mungakhale tani mwamuna, mkazi ayai mbereki wabwino?
Bibliya limbatawira mbvunzoyu pa AEFEZO 5:1, 2 na AKOLOSE 3:18-21.
Imwepo Mungakomedwembo na
MITAWIRO YA MIBVUNZO YAKULEWA BZA BIBLIYA
Kodi Bibliya Lingandithandize Kukhala Wakukondwa m’Banja?
Onani malango yabwino ya m’Bibliya yomwe yathandiza kale amuna na akazi azinjisa kukhala wakukondwa m’banja.
MUKANI!
Banja Lakukondwa—Kucita Bzinthu Pabodzi
Kodi mumbawona mamuna wanu ayai mkazanu ninga munthu omwe mumbakhala naye pabodzi nyumba ibodzi?
BZA IFE
Thangwe Ranyi Tin’funika Kupfunza Bibliya?—Vidiyo Yense
Bibliya linkupereka mitawiro ya mibvunzo yakufunika kwene-kwene kwa wanthu bzulu na bzulu, kuzungulira dziko lense la pansi. Kodi mun’funa kukhalambo m’bodzi wa wanthu amwewo?
BZA IFE
Kumbirani kuti Mboni za Yahova zidzakuzungireni.
Cezani Nkhani za m’Bibliya na Mboni za Yahova ayai yezerani kupita mu programa yathu yakukumbirira pfunziro la Bibliya la fovolo.
