PFUNZIRO 76
Jezu Adacenesa Tempwlo
Pa cikondweso ca Paskwa mu gole la 30 EC, Jezu adayenda ku Jeruzalemu, ndipo wanthu azinji akhadayendambo ku Jeruzalemuko kuti akacite cikondweso ca Paskwa. Pa cikondwesoco, wanthu akhambapereka nsembe za bzifuwo mu tempwlo. Winango akhabwera na bzifuwo bzawo, tsono winango akhacita kugula ku Jeruzalemuko.
Pomwe Jezu adafika ku tempwloko, iye adawona wanthu ankugulisira anzawo bzifuwo mu tempwlo ya Yahova! Kodi Jezu adacita ciyani pakuwona bzimwebzo? Iye adakonza mtcamu wa bzingwe, acicosa panja mabira na ng’ombe zomwe zikhali m’tempwlomo. Patsogolo pace, iye adapidigula meza za akasinthe-sinthe, zicitaika kobiri zawo zense. Ndipo Jezu adauza wanthu omwe akhagulisa nkhangaiwa kuti: ‘Cosani bzinthubzi muno! Nyumba ya Pai wangu lekani kuisandusa nyumba ya malonda!’
Wanthu adadabwa kwene-kwene na bzomwe Jezuyo adacita. Ndipo anyakupfunza wace adakumbukira polofesiya yakulewa bza Mesiya, yakuti: ‘Ndin’dzabzipereka pa nyumba ya Yahova.’
Patsogolo pace, mu gole la 33 EC, Jezu adadzayenda pomwe ku tempwloko, acikathamangisa wanthu omwe akhagulisira m’mwemo. Iye akhafuna kuti munthu ali-wense ambalemekeze nyumba ya Pai wace.
‘Mungatumikire lini Mulungu na Cuma pa nthawe ibodzi-bodziyo.’—Luka 16:13
Imwepo Mungakomedwembo na
JEZU NI NJIRA CADIDI NA MOYO
Jezu Adalatiza Nyongo pa Kunamata Kwacadidi
Cakutonga ca Mulungu cikhalewa kuti Ajirayeri akhafunikira kutakula kobiri kuti akagulire bzirombo ku Jeruzalemu kuti akapereke nsembe, n’thangwe ranyi Jezu adakalipa na anyamalonda mu templo?
KHALA XAMWALI WA YAHOVA
Mbalemekezani Nyumba ya Yahova
Kodi mungacite tani kuti mulemekeze nyumba yakunamatira ya Yahova?
