Jezu adabwera pansi pano, acidzapereka moyo wace kuti apulumuse wanthu wa pikado. Napo Jezu adaphedwa, iye adalikunda dziko. Yahova adakhulupirika kwa Mwana waceyu mwa kumulamusa kwa anyakufa. Pomwe Jezu akhali pa dziko la pansi pano, iye adatumikira anzace mwakubzicepswa, ndipo adalekererambo bzakuphonya bzomwe iwo akhacita. Pambuyo pa kumusidwa kwa anyakufa, Jezu adawonekera kwa anyakupfunza wace, aciwauza momwe angadacitira basa lakufunika kwene-kwene lomwe akhadawapasa. Penu ndimwe m’bereki, thandizani mwana wanu kuwona kuti mpsakufunika kwene-kwene kuti ifepano ticitembo basa limweri nsiku zino.