Magole mawiri pambuyo pa Ajirayeri kuyambuka Nyanza Ifuira, iwo adafika pafupi na phiri la Sinai. Pamwepo Yahova adacita nawo mpangano kuti iwo akhale mtundu wace wakupambulika. Yahova adawakhotcerera na kuwapasa ciri-cense comwe angadafunikira. Iye adawapasa mana kuti ambadye, adawapasa bzakubvala na kuwapasambo mbuto yakusungika kuti ambakhale. Penu ndimwe m’bereki, thandizani mwana wanu kubvesesa kuti thangwe ranyi Yahova adapasa Ajirayeri Bzakutonga, tendi la mkonkhano na kucita makonzedwe ya wansembe. Bvekesani kufunika kwa kupitiriza kusunga fala lathu, kukhala wanthu wakubzicepswa na kukhala wakukhulupirika nthawe zense.