Penu tin’funa kukondwesa Yahova, tin’funikambo kutetekera Mwana wace. Kale-kale pomwe Yahova akhanati kulenga Adamu, iye adalenga Mwana wace kudzuluku omwe akhali mzimu wamphanvu.

Na kupita kwa nthawe, Yahova adadzatumiza Mwanayo kuti adzabadwire ku Beremu kucokera kwa dende linango lomwe dzina lace akhali Mariya. Mwanayo adapasidwa dzina la Jezu.—Juwau 6:38.

Pomwe akhali pansi pano, Jezu adalatiza bwino-bwinoletu makhalidwe ya Mulungu. Iye akhali munthu wabwino, wa lufoyi na wakufikirika. Mwakusaya mantha, Jezu adapfunzisa wanthu cadidi cakulewa bza Yahova.

Akulu-akulu wa ansembe na Afarisi akhawenga Jezu thangwe iye akhazimbula padeca bzicito bzawo na bzipfunziso bzawo bzakunama.

Jezu adapozambo atenda na kulamusa wanthu winango omwe akhadafa.

Akulu-akulu wa ansembe na Afarisi adanamizira Jezu kuti atsogoleri wa Aroma amumenye, acimupha.