MBALI 13
Kodi Tin’funika Kucita Ciyani Kuti Mulungu Ambakomedwe Nafe?
Lekani kumbacita bzinthu bzakuipa. 1 Wakolinto 6:9, 10
Penu timbafuna Yahova, tin’dzatcenkha kucita bzinthu bzomwe iye ambafuna lini.
Yahova ambafuna lini kuti wanthu ambabe, ambaledzere ayai kufumali.
Mulungu ambafuna lini kuti wanthu ambaphe anzawo ne kutaya mimba. Iye ambawenga kugonana kwa amuna ayai akazi wokha-wokha. Ndipo ambafunambo lini kuti tikhale wanthu wadyera ayai wandewo.
Tin’funika kutcenkha kumbanamata bzifanikiso na kumbacita bzamizimu.
Wanthu omwe ambacita bzakuipa an’dzabvumizidwa lini kukhala m’Paraizo.
Mbacitani bzinthu bzabwino. Mateu 7:12
Kuti tikondwese Mulungu tin’funika kumbacita nyongo yakumutewezera.
Mbalatizani lufoyi kwa anzanu mwa kumbawacitira bzinthu bzabwino.
Mbacitani bzinthu mwacirungamo.
Mbauzani anzanu bza Yahova na njira zace.—Zaiya 43:10.
Khalani munthu wansisi na wakumbalekerera anzanu.
Imwepo Mungakomedwembo na
BZA IFE
Thangwe Ranyi Tin’funika Kupfunza Bibliya?—Vidiyo Yense
Bibliya linkupereka mitawiro ya mibvunzo yakufunika kwene-kwene kwa wanthu bzulu na bzulu, kuzungulira dziko lense la pansi. Kodi mun’funa kukhalambo m’bodzi wa wanthu amwewo?
