Kodi Umambo bwa Mulungu n’Ciyani?
Mungalewe kuti ni . . . . . .
-
cinthu comwe ciri mu mtima mwanu?
-
mbuto yomwe iri kudzuluku?
-
ayai ni boma la kudzulu?
BIBLIYA LIMBATI
“Mulungu wa kudzulu an’dzakhazikisa umambo bomwe cipo bucidzapfudzidwa.”—Daniyeli 2:44
“Tapasidwa kamwana kamwamuna, ndipo utongi bun’dzakhala pa phewa pace.”—Zaiya 9:6
PHINDU LACE MUKAKHULUPIRA BZIMWEBZI
-
Mun’dzakhala na boma lakulungama lomwe lin’dzakuthandizani pa mwekha.—Zaiya 48:17, 18.
-
Mu dziko lipsa lomwe linkubweralo, mun’dzakhala na moyo wa thanzi labwinoletu na wacikondweso.—Apokalipse 21:3, 4.
KODI TINGAKHULUPIREDI BZOMWE BIBLIYA LIMBALEWA?
Inde, pa mathangwe mawiri:
-
Jezu adalatiza bzomwe Umambo bwa Mulungu bun’dzacita. Jezu adapfunzisa ateweri wace kupemba kuti Umambo bwa Mulungu bubwere na kuti kufuna kwace kucitike pantsi pano. (Mateu 6:9, 10) Jezu adalatiza momwe mpemboyu un’dzatawiridwira.
Pomwe akhali pansi pano, Jezu adadyesa wanthu wa njala, adapoza atenda na kulamusambo anyakufa! (Mateu 15:29-38; Juwau 11:38-44) Pakukhala mtongi wakutsogolo wa mu Umambo bwa Mulungu, Jezu adalatiza bwino bzinthu bzomwe Umambo bwa Mulungu bun’dzacitira wanthu wace.—Apokalipse 11:15.
-
Bzakucitika bza m’dzikoli bzinkulatiziratu kuti Umambo bwa Mulungu bun’fika tsapanopapa. Jezu akhadaleweratu kuti pomwe Umambo bukanati kubweresa mtendere pantsi pano, dziko lathuli lingadabonera na nkhondo, njala na bziteke-teke.—Mateu 24:3, 7.
Ifepano tinkubziwona bzimwebzi lero. Tenepo tingakhulupire kuti tsapanopapa, Umambo bwa Mulungu bun’malisa mabvuto yentse yomwe yalipoya.
KUTI MUKUMBUKIRE
Kodi moyo un’dzakhala tani mu utongi bwa Umambo bwa Mulungu?
Bibliya limbatawira mbvunzoyu pa SALIMO 37:29 na ZAIYA 65:21-23.
Imwepo Mungakomedwembo na
MAPFUNZISO YAKUYAMBIRIRA YA M'BIBLIYA
Kodi Umambo bwa Mulungu n’Ciyani?
Mkati mwa utumiki bwace, Jezu adapfunzisa kwene-kwene nkhani yakulewa bza Umambo bwa Mulungu kuposa nkhani ina iri-yense. Kwa magole mazinji, wanthu akhala ankupemba kuti Umambobu bubwere.
NTSANZA YA MULINDIRI
Kodi Umambo bwa Mulungu Bun’dzacita Ciyani Kutsogoloku?
Jezu akhadziwa kuti ni Umambo bwa Mulungu bokha bomwe bun’dzamalisa mabvuto yomwe timbagumana nayo pano pa dziko la pantsi. Kodi ni bzinthu bziponi bzomwe Umambo Mulungu bwacita kale, ndipo bzingalimbise tani cikhulupiro cathu?
BZA IFE
Thangwe Ranyi Tin’funika Kupfunza Bibliya?—Vidiyo Yense
Bibliya linkupereka mitawiro ya mibvunzo yakufunika kwene-kwene kwa wanthu bzulu na bzulu, kuzungulira dziko lense la pansi. Kodi mun’funa kukhalambo m’bodzi wa wanthu amwewo?
