Werengani Atongi 11:30-40 kuti muwone bzomwe Djafeti na mwana wace adacita kuti akwanirise piciro lawo.

Yezerani kubvesesa nkhaniyo. Kodi Ajirayeri omwe akhali wakukhulupirika akhayawona tani mapiciro yomwe akhayacita kwa Yahova? (Numero 30:2) Kodi Djafeti na mwana wace adalatiza tani kuti akhakhulupira Yahova? — Atongi 11:9-11, 19-24, 36.

Fufudzani bzinango. Kodi n’ciyani comwe pinango Djafeti akhakumbuka pomwe adacita piciro lace kwa Yahova? (w16.04 tsa. 7 ndi. 12) N’ciyani comwe Djafeti na mwana wace adabvuma kuluza kuti akwanirise piciro lomwe akhadacita kwa Yahova? (w16.04 matsa. 8-9 ndi. 14-16) Ni mapiciro yaponi yomwe atumiki wa Yahova angacite ntsiku zino? — w17.04 matsa. 6-9 ndi. 10-19.

Kumbukirani bzomwe mwapfunza. Bzibvunzeni kuti:

• ‘N’ciyani comwe cingandithandize kuti ndikwanirise piciro langu la kubzipereka kwa Yahova?’ (w20.03 tsa. 13 ndi. 20)

• ‘Ni bzinthu bziponi bzomwe ningabvume kuluza kuti ndicite bzizinji pa kutumikira Yahova?’

• ‘N’ciyani comwe ningacite kuti ndikwanirise piciro lomwe ndidacita pa ntsiku ya malo- wozi yangu?’ (Mateu 19:5, 6; Aefezo 5:28-33)