Kodi imwepo mukufuna kugumana phindu pa pfunziro lanu la pa mwekha? Nfundo zomwe ziri m’nyantsizi zin’kuthandizani kuti mumbakhale tceru pomwe mukupfunza:

• Nyang’anani mbuto yabwino. Yezerani kunyang’ana mbuto yomwe iribe mdima kuti mukwanise kuwona bwino-bwino bzomwe mukufuna kupfunzabzo. Imwepo mungatenge meza na kadera mucikhala ayai mungakhale panja pomwe pana mbuto yabwino.

• Nyang’anani mbuto yomwe mungasokonezedwe lini. Jezu akhamuka “macibese-bese” aciyenda “ku mbuto yomwe kukhalibe wanthu” kuti akapembe. (Marko 1:35) Penu bzingakwanisike lini kuti mukhale pamwekha-mwekha, imwepo mungauze wanthu wa m’banja mwanu ayai wanthu omwe mumbakhala nawo kuti mukufuna kupfunza muciwakumbira kuti aleke kukusokonezani.

• Lekani kubvuma kuti cinthu ciri-centse cikusokonezeni. Penu imwepo mukuphatisa basa telefoni ayai tableti pakupfunza, ikhani modo de voo kuti mutcenkhe kumbatambira mensaje ayai bzinthu bzinango bzomwe bzingakusokonezeni. Pomwe mukupfunza, mukakumbukira cinthu cinango comwe mun’funika kucita nembani kuti muleke kuyebwa kudzacicita pa nthawe inango ndipo pitirizani kupfunzako. Penu bzikukunesani kukhala tceru pomwe mukupfunza, mukani mufambe-fambe pang’ono ayai bzithamuleni-thamuleni.