Timbanamata Yahova pabodzi na anzathu pa mitsonkhano ya gwere, pa mitsonkhano ya dera, pa mitsonkhano ya cigawo, pomwe tiri tekha na pomwe tina banja lathu. Onani bzinthu bzomwe bzingakuthandizeni pomwe mukupfunza pamwekha na pomwe mukupfunza na banja lanu:

• Mbakonzekerani mitsonkhano ya gwere. Imwepo mungapfunze kuimba nyimbo na kuthandizambo banja lanu kukonzekera mitawiro.

• Werengani nkhani ibodzi ya m’Bibliya. Patsogolo pace dezenyarini cithunzi-thunzi ca bzinthu bzomwe bzikucitika pa nkhani yomwe mukuwerengayo ayai nembani bzomwe mwapfunza.

• Werengani mpembo omwe udanembedwa m’Bibliya ndipo onani momwe ungakuthandizireni kumbacita mipembo yanu mu njira yakuthemera.

• Onani vidiyo mu jw.org ndipo cezeranani na wanthu winango ayai nembani bzomwe mwapfunza mu vidiyomo.

• Konzekerani bzomwe mungakapalizire. Pinango munthu m’bodzi wa m’banja mwanu angayezezere kukhala mwenekaciro mui omwe imwepo mukumupalizira ndipo imwepo mungalewe bzomwe mukufuna kukapalizirabzo.

• Mbawonani cirengedwe ndipo mbacezeranani na wanthu winango bzomwe mukupfunza na cirengedweco pakulewa bza Yahova. a