“Ndikakhala kuti ndidasunama, Yahova ambandilimbikisa na nyimbo za mu JW Broadcasting^®.” — Lorraine, EUA.

Akristau ambaimba “nyimbo zauzimu” kuti atumbize Mulungu. (Akolose 3:16) Mukadziwa kuimba nyimbo na mu msolo, izo zingakuthandizeni pa nthawe yomwe mulibe bukhu la nyimbo ayai telefoni. Yezerani kucita bzinthu bzomwe bziri m’nyantsibzi kuti mumbakwanise kuimba nyimbo na mu msolo.

• Mbawerengani mafala ya nyimbo mpaka kuyabvesesa. Mukabvesesa thandauzo la mafalayo, bzin’dzakhalambo bzakupusa kuti muyakumbukire. Mafala ya nyimbo zentse, kuphatanidzambo nyimbo za Broadcasting na nyimbo za wana, yalipo mu jw.org. Mukatinya pa mbali yakuti Mbuto ya Mabukhu, ndokoni pomwe padanemba kuti Nyimbo.

• Mbanembani mafala ya nyimboyo. Kucita bzimwebzi kun’dzakuthandizani kwene-kwene kukumbukira mafalayo. — Deuteronomiyo 17:18.

• Imbani mwakukuwa. Werengani ayai imbani nyimboyo mwakubwereza-bwereza.

• Onani penu mukukwanisa kuimba na mu msolo. Yezerani kukumbukira mafalayo mwakusaya kuyawona, ndipo mukamala onani penu mwakwanisa kuyalewa bwino.