Werengani Daniyeli 9:1-19 kuti mudziwe momwe pfunziro lakuzika lingakuthandizireni.

Yezerani kubvesesa nkhaniyo. Kodi ni bzinthu bziponi bzomwe bzidacitika pa moyo wa Daniyeli, ndipo bzinthubzo bzidamucitisa kuti iye abzibve tani? (Daniyeli 5:29–6:5) Kodi bzimwebzi bzingadacitikira imwepo mungadabzibva tani?

Fufudzani bzinango. Kodi ni “mabukhu yakupambulika” yaponi yomwe Daniyeli adayafufudza? (Daniyeli 9:2, mafala ya m’nyantsi; w11-CN 1/1 tsa. 22 ndi. 2) N’thangwe ranyi Daniyeli adazimbula pikado zace na za mtundu wa Ajirayeri? (Levitiko 26:39-42; 1 Amambo 8:46-50; dp-CN matsa. 182-184) Mu mpembo wace omwe uli pa Daniyeli 9:11-13, kodi Daniyeli adalatiza tani kuti akhapfunza Fala la Mulungu mwanyongo?

Kumbukirani bzomwe mwapfunza. Bzibvunzeni kuti:

• ‘Kodi n’ciyani comwe ningacite kuti dzikoli lileke kunditazisa kukhala tceru?’ (Mika 7:7)

• ‘Kodi ni phindu liponi lomwe nin’dzakhala nalo ndikambapfunza Fala la Mulungu mwanyongo ninga momwe Daniyeli adacitira?’ (w04-CN 1/8 matsa. 12-13 ndi. 17)

• ‘Kodi ni nkhani ziponi za pfunziro la pandekha zomwe zingandithandize “kupitiriza kukhala tceru”?’ (Mateu 24:42, 44; w12-CN 15/8 tsa. 5 ndi. 7-8)