1. Yahova M’lungu, ambatilatiza

Njira ya lufoyi.

Pa bzinthu bzense bzomwe ambacita,

Ife timbam’tewezere.

Iye adatipasa Mwana wace

Kuti pikado tilekereredwe.

Ndipo imweyi ni njira ikulu

Ya lufoyi la M’lungu wathu.

2. Tikambafuna Yahova Mulungu,

Tin’dzafunanambo.

Tin’dzafunadi abale wensene,

M’mbuto mwakusankhulana.

Penu tinalo lufoyi cairo,

M’bale wathu akambatiphonyera,

Na mtima wense, timbam’lekerera

Mwa lufoyi la pa ubale.

3. Gulu la M’lungu liribe tsankhulo,

Lina ciphatano.

M’lungu an’funa tense timbakhale

Wa lufoyi na mtendere.

Timbadziwike na makhalidweya,

M’lungu an’dzatipasa mzimu wace,

Abale wathu an’dzatikumbusa.

Njira za M’lungu n’zalufoyi.