1. Liripo bukhu, lakupambulika,

Lina mafala yacidikhiro.

Nzeru zace zidafuliziridwa

Na Mulungu wathu wa kudzulu.

Bukhulo ni Bibliya lakucena;

Lina malango ya Baba wathu.

Lidanembedwa na manja ya wanthu

Mwakuwatsogolera na mzimu.

2. Limbalewa bza mphanvu za Mulungu

Na bzinthu bzomwe adabzilenga,

Limbalewa bza pikado ya wanthu

Na kuluza kwawo Paraizo.

Limbalewambo bza anjo munango

Omwe adapandukira M’lungu,

Acibweresera wanthu mabvuto.

Tsono M’lungu an’dzayamalisa.

 3. Tsapano ni nthawe yacikondweso:

Umambo bwa M’lungu bunkutonga.

Tenepo bwerani tipalizire,

Tiuze wanthu bza cidikhiro.

Mafala ya mu bukhu la Mulungu

Yambapasa wensene mtendere

Ndipo ni Cuma cakupambulika,

Yawerengedwe na wanthu wense.