JW LIBRARY
Kuikha Bzizindikiro Nfundo Zikulu-zikulu—Android
Pomwe munkuwerenga ayai kupfunza mabukhu mu programa ya JW Library, imwepo mungaikhe bzizindikiro pa nfundo zikulu-zikulu.
Phatisani basa malangoya kuti muikhe bzizindikiro pa nfundo zikulu-zikulu:
Kuikha Bzizindikiro
Pana njira ziwiri zakucitira bzimwebzo.
Tinyani mafalayo mwakusaya kulekeza. Mungakwekwetembo kacinthu ka azulika mpaka pomwe mun’funapo. Tsapano sankhulani kore mun’funayo kuti muzindikirise nfundo yomwe yakudekeraniyo.
Kuti muikhe cizindikiro mafala mazinji kabodzi na kabodzi, ndotinyani mafalayo mwakusaya kulekeza, mucikwekweta mpaka pomwe mun’funapo. Pomwe munkukwekweta, mafalayo yan’dzakhala yaciikhidwa cizindikiro. Mukamala, mungasankhule kucinja kore ayai kupfudza kore yomwe yaikhidwayo.
Kucinja Bzizindikiro
Mukafuna kucinja kore, tinyani pa mafalayo kuti muikhe kore inango. Mukafuna kucosa koreyo, tinyani mafalayo, mucitinya kabutau kakupfudziraka.
Programa zimwezi zidacosedwa mu Novembro 2015 na programa ya JW Library 1.6, ndipo imbakwanisa kuphata basa na Android 4.0 ayai yakupitirira. Penu imwepo mukukwanisa lini kuwona programa zimwezi, mungawone pomwe malango yomwe yaperekedwa mu nkhani ya msolo wakuti “Kuphatisa Basa Programa ya JW Library—Android,” pansi pa kamsolo kakuti JW Library Yakuatualizaridwi.
