JW LIBRARY
Kucosa na Kuphatisa Basa Bibliya—Android
Cinthu cikulu pa programa ya JW LIBRARY ni kuwerenga na kupfunza Bibliya.
Phatisani basa malangoya kuti mucose na kuphatisa basa Bibliya:
Cosani Bibliya
Imwepo mungacose Bibliya m’bzirewedwe bzakusiyana-siyana kuti muwerenge na kupfunza mwakusaya kuphatisa basa interneti.
Kwekweterani kumadidi ka janela kakufufudzira, mucitinya pomwe padanemba Bíblia, kuti muwone ndandanda ya mabukhu ya m’Bibliya.
Tinyani pomwe padanemba kuti Idiomas kuti muwone ndandanda wa wa ma Bibliya yense yomwe yalipo. Bzirewedwe bzomwe mumbabziphatisa basa kawiri-kawiri bzimbakhala pa mbuto yakuyamba. Mungafufudze Bibliya mwakunemba dzina la Bibliyalo ayai cirewedwe cace. Mwa ciratizo: munganembe kuti “int” kuti mugumane Bibliya la Kingdom Interlinear la cingerezi ayai “port” kuti mugumane ma Bibliya yense ya Cipwitikizi.
Ma Bibliya yomwe mukanati kuyacosa yambakhala na cizindikiro ca kamtambo. Tinyani pa Bibliyalo kuti mulicose pa interneti. Pambuyo pakuti mwacosa Bibliyalo, kamtamboko kambanyembereka. Tinyani pomwe pa Bibliyalo kuti muliwerenge tsapano.
Mukasaya kugumana Bibliya m’cirewedwe comwe mukufunaco, dzawoneni pomwe pa nsiku inango, pakuti ma Bibliya manango yati yambaikhidwe, yakambagumanika m’bzirewedwe bzinango.
Pfudzani Bibliya
Mungapfudze Bibliya lomwe mun’funa lini pomwe kuliphatisa basa ayai penu memória ya mtcini wanu idadzala.
Kuti mupfudze, tinyani pomwe pana tumadontho tutatupo, mucitinya Excluir.
Gumanani Bibliya Lakuatualizaridwi
Nthawe zinango, Bibliya lomwe munalolo lingaatualizaridwi.
Ndipo likaatualizaridwi limbakhala na cizindikiro ici. Mukatinya pa Bibliyalo mun’dzawona mensaje yakulatiza kuti latualizaridwi. Tinyani pa Baixar kuti mulicose, ayai pa Depois kuti mupitirize kuwerenga lomwe munalo kalelo.
Programa zimwezi zidacosedwa mu Fevereiro 2015 na programa ya JW Library 1.4, ndipo imbakwanisa kuphata basa na Android 2.3 ayai yakupitirira. Penu imwepo mukukwanisa lini kuwona programa zimwezi, mungawone pomwe malango yomwe yaperekedwa mu nkhani ya msolo wakuti “Kuphatisa Basa Programa ya JW Library—Android,” pansi pa kamsolo kakuti JW Library Yakuatualizaridwi.
