JW LIBRARY
Kuikha Bzizindikiro m’Mabukhu—Android
Programa ya JW Library ina tubzizindikiro tomwe mungaikhe m’bukhu liri-lense ayai vesi la m’Bibliya lomwe mwawerenga kale kuti mudzapusidwe kuligumana. Bzidandendemerana na kuikha kacinthu pakati pa bukhu lanu lakudindidwa kuti mudzapusidwe kupagumana. Bukhu liri-lense mu programayi, lina tubzizindikiro twace twakukwana 10.
Tewezani malangoya kuti muphatise basa bzizindikirobzi:
Ikhani Cizindikiro Cinango
Mungaikhe tubzizindikirotu pa nkhani, msolo wa bukhu, ndime ayai vesi la m’Bibliya.
Kuti muikhe tubzizindikirotu pa nkhani, msolo wa bukhu, tinyani pomwe pana tubzizindikirotu. Mukatinya, in’funguka ndandanda ya tubzizindikiro twa bukhu lomwe munkuwerengalo. Sankhulani kacizindikiro mun’funako kuti mukaikhe pa msolo wa nkhani yomwe munkuwerengayo.
Kuti muikhe kacizindikiro pa ndime ayai vesi la m’Bibliya, cakutoma tinyani pa ndime ayai vesiro, patsogolo pace tinyani kacizindikiroka.
Pitani Pomwe Pana Bzizindikirobzi
Kuti mugumane bzinthu bzomwe mwaikha bzizindikiro, tinyani bukhu lomwe mukhawerengalo, mucitinya butau la bzizindikiroli. Patsogolo pace sankhulani nkhani yomwe mukhadaikha cizindikiroyo.
Phatisani Basa Bzizindikirobzi
Mukafuna, imwepo mungapfudze ayai kucinja cacizindikiro komwe mukhadaikha.
Kuti mupfudze, tinyani kabutauka, patsogolo pace tinyani Tumadontho tutatu tomwe tuli pamwepoto, mucitinya Excluir.
Mukafuna kucinja kacizindikiroko, tinyani kabutauka, mucitinya tumadontho tutatutu, patsogolo pace, tinyani kacizindikiro komwe mun’funa kukacinjako, mucitinya Substituir. Mukamala, muniwona kuti kacizindikiroko kan’khala na msolo wa nkhani yomwe mwaikhayo. Tubzizindikirotu, tumbathandiza kudziwa mbuto zomwe munkuwerengazo . Mwa ciratizo, tungakuthandizeni kuleka kuyebwa mbuto yomwe mudaimira pakuwerenga kwanu Bibliya nsiku na nsiku.
Programa zimwezi zidacosedwa mu Maio 2014 na programa ya JW Library 1.2, ndipo imbakwanisa kuphata basa na Android 2.3 ayai yakupitirira. Penu imwepo mukukwanisa lini kuwona programa zimwezi, mungawone pomwe malango yomwe yaperekedwa mu nkhani ya msolo wakuti “Kuphatisa Basa Programa ya JW Library—Android,” pansi pa kamsolo kakuti JW Library Yakuatualizaridwi.
