JW LIBRARY
Momwe Mungafufudzire Mafala m’Bibliya ayai m’Mabukhu—Android
Programa ya JW Library, ina mbali yomwe ingakuthandizeni kufufudza mafala m’Bibliya lomwe munkuliwerenga ayai m’mabukhu manango.
Phatisani basa malangoya kuti mufufudze:
Fufudzani mu Bibliya
Imwepo mungafufudze fala ayai mafala mu Bibliya pa nkhani yomwe munkuwerenga.
Pomwe munkuwerenga Bibliya, tinyani butau lakufufudzirali, mucinemba fala lomwe mun’funa kufufudzalo. Mukambanemba, yati yambabwere mafala yakutengana na bzomwe mun’funabzo. Nembani mafalayo, mucitinya Enter pa mbuto yakunembera.
Mbali yakuti Versículos mais usados, imbalatiza mavesi yomwe yankubverana na lomwe munkufufudzalo. Mbali yakuti Todos Versículos imbalatiza mavesi yense koma mwakulinganizika. Mbali yakuti Artigo, imbalatiza nkhani zakuyambirira na nkhani zakuthumizira zomwe zina mafala yomwe munkufufudzayo.
Mukanemba mafala mazinji, tinyani pa Achar a Expressão Exata kuti yabwere ndendende mafala yomwe munkufufudzayo.
Fufudzani m’Mabukhu
Mungafufudze mafala m’bukhu lomwe munkuwerengalo.
Pomwe munkuwerenga, tinyani butau lakufufudzira, pambuyo pace nembani mafala yomwe mukufunayo. Mukambanemba, yati yambabwere mafala yakutengana na bzomwe mun’funabzo. Nembani mafala yanuyo mucitinya Enter mukamala.
Mukanemba mafala mazinji, tinyani pa Achar a Expressão Exata kuti yabwere ndendende mafala yomwe munkufufudzayo.
Fufudzani Misolo ya Nkhani
Penu mudacosa bukhu lakuti Estudo Perspicaz, mungafufudzembo mafala m’mwemo. Bukhuli limbagumanika mu JW Library, pomwe munkuwerenga Bibliya ayai bukhu linango.
Kuti mufufudze bzomwe mun’funa, tinyani butau lakufufudzira. Pomwe munkunemba, yati yambabwere mafala yomwe yakutengana na bzomwe mun’funabzo kucokera m’bukhuli. Tinyani pa nkhaniyo kuti muiwerenge.
Programa zimwezi zidacosedwa mu Outubro 2014 na programa ya JW Library 1.3.4, ndipo imbakwanisa kuphata basa na Android 2.3 ayai yakupitirira. Penu imwepo mukukwanisa lini kuwona programa zimwezi, mungawone pomwe malango yomwe yaperekedwa mu nkhani ya msolo wakuti “Kuphatisa Basa Programa ya JW Library—Android,” pansi pa kamsolo kakuti JW Library Yakuatualizaridwi.
