JW LIBRARY
Kusankhula Momwe Mun’funa Kuwerengera Mabukhu—Android
Mu programa ya JW Library muna bzinthu bzomwe bzimbathandiza kuti mumbapusidwe kuwerenga. Bzinthu bzimwebzo bzimbagumanika padzulu pa mbuto yomwe munkuwerenga nkhani iri-yense.
Mungatinyembo tumadontho tutatu kuti muwone bzinthu bzinango bzomwe mungacite.
Tewezani malangoya kuti musankhule bzomwe mun’funa kuwerenga:
Cinjani Cirewedwe
Imwepo mungacinje cirewedwe ca kapitulo ayai nkhani yomwe munkuwerenga.
Bzirewedwe bzomwe mumbabziphatisa basa kawiri-kawiri, bzimbakhala pakuyambirira. Ndipo imbagumanikambo Nsanza ya Mulundiri yakusaya kunesa kuwerenga m’bzirewedwe bzinango. Mungabzifufudzembo bzirewedwebzo mwakucita kunemba.
Nkhani zomwe mukhanati kucosa m’bzirewedwe bzinango, zimbakhala na kamtambo. Tinyani pa cirewedweco kuti mucose bukhulo. Mukamala kucita bzimwebzi, kamtambo kale kan’dzanyembereka. Tinyani pomwe pa cirewedweco kuti muwerenge tsapano.
Cinjani Kawonekedwe ka Nkhani
Imwepo mungakulise bzinembo bza nkhanizo kuti mukwanise kuwerenga.
Tinyani tumadontho tutatutu kuti mukuze ayai mucepese bzinembobzo. Mukacita bzimwebzo, bzinembo bza mabukhu yense bzin’dzawoneka tenepoyo.
Onani Cithunzi-thunzi ayai Nkhani
Nkhani zinango mungazifungule ninga bzithunzi-thunzi ayai ninga bzinembo bzokha. Tinyani butau la pakati kuti mucite bzimwebzo.
Onani Cithunzi-thunzi: Mukasankhula kuwona ninga bzithunzi-thunzi, nkhaniyo in’dzawoneka ninga momwe imbakhalira m’bukhu lakudindidwa. Winango ambasankhula bzimwebzi pakufungula bukhu la nyimbo kuti ambawone ma do, do, do.
Onani Nkhani: Mukasankhula kuwona ninga bzinembo bzokha, mavesi ya m’Bibliya yambakhala na malinki kuti mutinye, muciwerenga.
Fungulani mu . . .
Mbali yakuti Abrir em . . . ingakuwoneseni bzinthu bza mu JW Library mwakuphatisa basa programa zinango.
Tinyani pa Abrir em . . . kuti muwone ndandanda ya programa zomwe ziripo. Mwa ciratizo, mungatinye pa Abrir em Biblioteca On-Line kuti mufungule nkhani munkuiwerengayo pa BIBLIOTEKA YA PA INTERNETI.
Sankhulani ma Bibliya Manango
Mukatinya vesi m’bukhu lomwe munkuliwerenga, vesiro lin’dzafungukiratu. Tinyani pa Personalizar kuti musankhule Bibliya lomwe mukufuna kumbawona ndipo mungatinye cizindikiro cifuira kuti mupfudze ayai ca masamba ya ndimu kuti muthumizire ma Bibliya.
Tinyani pa Adicionar ayai Excluir kuti muikhe ayai kucosa ma Bibliya ya bzirewedwe bzinango. Tinyani mwakusaya kulekeza, kuti mukwize ayai mupolikise Bibliya mun’funalo.
Onani mbali yakuti “Kucosa na Kuphatisa Basa Bibliya mu Programa ya JW Library—Android” kuti muwone momwe mungacitire kuti mugumane ma Bibliya manango mu JW Library.
Programa zimwezi zidacosedwa mu Fevereiro 2015 na programa ya JW Library 1.4, ndipo imbakwanisa kuphata basa na Android 2.3 ayai yakupitirira. Penu imwepo mukukwanisa lini kuwona programa zimwezi, mungawone pomwe malango yomwe yaperekedwa mu nkhani ya msolo wakuti “Kuphatisa Basa Programa ya JW Library—Android,” pansi pa kamsolo kakuti JW Library Yakuatualizaridwi.
