Nongwa Yafiki Abaketi ba Yehova Batikukolela Amalo Agha Bikubombelapo Ingomano Ukuti Tchalitchi?
Ilisyu lya Chigiliki ili akabalilo kamo likusanusiwa ukuti “itchalitchi” litikusanusya inyumba iyakwiputilamo loli abandu aba bikwiputamo.
Ikifwanikisyo: Mu kalata iyi untumiwa Pauli abalembile Abakristu ba ku Roma, amponiagha Akwila nu nkasi wake Priska. Kangi alyongelilepo ukuti: “Mukiponie ikipanga [itchalitchi] iki kikubungana mu nyumba yabo.” (Baroma 16:5) Apa Pauli akaponiagha inyumba loli aponiagha abandu. a
Yo nongwa amalo agha twe Baketi ba Yehova tukwiputilapo, tutikughakolela ukuti tchalitchi loli “Inyumba ya Bunyafyale.”
Nongwa Yafiki Ghikukoleliwa Ukuti “Inyumba ya Bunyafyale ya Baketi ba Yehova”?
Filipo ififukwa fingi:
Yo ngamu ya nyumba iyi tukwiputilamo.
Tukubungana pa malo agha ukuti tumwipute Yehova, Kyala uyu ikuyobiwa mu Baibolo, kangi tuli baketi bake.—Salimo 83:18,NWT; Yesaya 43:12, NWT.
Pa malo agha tukumanyila isya Bunyafyale bwa Kyala, ubu Yesu abamanyisyagha abandu.—Matai 6:9, 10; 24:14; Luka 4:43.
Mubaghile ukubuka ku Nyumba ya Bunyafyale iya pabupipi ukuti mukakete muno Abaketi ba Yehova bikubombela pakumwiputa Kyala.
a Amasyu ghakufwana na agha, ghakwaghiwa pa 1 Bakorinti 16:19; Bakolosi 4:15; na Filemoni 2.
Lumo Mubaghile Ukulonda Ukumanya Isya Nkhani iyi
INGOMANO
Findu Fiki Fikubombiwa ku Nyumba ya Bunyafyale?
Mubuke ku Nyumba ya Bunyafyale ukuti mukete muno tubombela.
ISYA USWE
Ingomano sya Kipanga sya Baketi ba Yehova
Londa kuno tubombela ingomano na muno tumanyilila