Ngimba Abaketi ba Yehova Bikusubila Ukuti Kyala Apelile Ifindu Fyosa mu Masiku 6?
Hayi. Twe Baketi ba Yehova tukusubila ukuti Kyala apelile ifindu fyosa. Loli tukukana ukuti apelile ifindu mu masiku 6. Nongwa yafiki? Nongwa yakuti inyinong’ono isya bandu aba bikusubila ukuti Kyala apelile ifindu mu masiku 6 sitikukolelana na isi Ibaibolo likuyoba. Keta ififwanikisyo fibili ifi:
Amasiku 6 aghakupela ifindu. Inyinong’ono isya bandu bamo syo syakuti amasiku 6 aghakupela ifindu ghali gha maawala 24 pisiku. Loli ilisyu lyakuti “ilisiku” mu Baibolo likwimila akabalilo akatali.—Ubwandilo 2:4; Salimo 90:4.
Ngimba ikisu kyapeliwe ndili? Abandu bamo bikusubila ukuti ikisu kyapeliwe ifyinja amasauzandi manandi. Loli ukufwana ni Baibolo, ikisu kyaliko bo amasiku 6 aghakupela ghakali ukwanda. (Ubwandilo 1:1) Pa nongwa iyi, Abaketi ba Yehova batikukana isi abasayansi basyaghile isyakuti ikisu kyapeliwe ifyinja amabiliyoni mingi.
Nalinga Abaketi ba Yehova bikusubila ukuti Kyala apelile ifindu fyosa, loli batikubasusya abasayansi. Tukusubila ukuti isayansi iyabwanaloli yikukolelana na isi Ibaibolo likuyoba.
Lumo Mubaghile Ukulonda Ukumanya Isya Nkhani iyi
AMALALUSYO AGHA IBAIBOLO LIKWAMULA
Ngimba Kyala Alyandile Ndili Ukupela Ifindu Fyosa?
Ansala tukumwagha linga tukuketa amasyu agha baghabombile mu buku lya Ubwandilo aghakuti “pabwandilo” na gha “isiku.”
IFUNDO ISYAKULONDIWA ISYA MU BAIBOLO
Ngimba Ikipeliwa Kyapeliwe?
Inkhani sya mu Baibolo isyakufwana nikipeliwa utubalilo tumo abandu batikusipilikisya kanunu kangi bamo bikuti itolo nkhani syabutungulu. Ngimba isi Ibaibolo likuyoba syabwanaloli?
ISYA USWE
Suma Ukuti Mumanyileghe Ibaibolo
Muyobesanie amalalusyo aghakufwana ni Baibolo, pamo manyila nyingi isyakufwana na Baketi ba Yehova.