Ngimba Abaketi ba Yehova Bikubika Ikyakalongo?
Hayi, Abaketi ba Yehova bikubika indalama isyakutula pambombo yabo kisita kwibonesyela. Ngimba ikyakalongo findu fiki? Kangi nongwa yafiki Abaketi ba Yehova batikubika ikyakalongo?
Ukubika ikyakalongo lwali Lulaghilo ulu Abaisraeli babuliwe. Ululaghilo ulu lwayobagha ukuti pa findu 10 ifi umundu afyaghile, kimokyene abikeghe kwa Kyala. Loli, Ibaibolo likuyoba ukuti ululaghilo ulu lutikubomba imbombo ku Bakristu. Kope ukwambilila ikyakalongo ku bandu kutikubomba imbombo ku Bakristu.—Bahiburi 7:5, 18; Bakolosi 2:13, 14.
Abaketi ba Yehova batikubika ikyakalongo. Loli bikukongesya isi Abakristu abakunyuma babombagha. Bikufumusya kisita kwambilila indalama kangi bikubika indalama syabo kisita kufimbilisiwa.
Abaketi ba Yehova bikupilikila ubulongosi bwa mu Baibolo ubwakuti: ‘Umundu wesa apeghe bo mumo inong’onile mundumbula yake, angapelagha nkwilamwa pamo nkufimbilisiwa; namanga Kyala anganile yuyo ikupela mbusangalufu.’—2 Bakorinti 9:7.
Lumo Mubaghile Ukulonda Ukumanya Isya Nkhani iyi
AMALALUSYO AGHA IBAIBOLO LIKWAMULA
Ngimba Ibaibolo Likuyoba Isyafiki pa Nkhani ya Kalongo?
Ukukindana kwa isi Ibaibolo likuyoba na isi abandu bamo bikwinong’ona ukuti momuno siyilile sibaghile ukubaswighisya umwe.
ISI IBAIBOLO LIKUMANYISYA
Ukumanyila Ibaibolo
Amwande ukumanyila Ibaibolo munjila iyakuyobesania kisita kulipila.