Nongwa Yafiki Abaketi ba Yehova Batikusekela Isitala?
Isi abandu bikwinong’ona
Ubutungulu: Abaketi ba Yehova batikusekela Isitala panongwa yakuti bakaya baKristu.
Ubwanaloli: Tukusubila ukuti Yesu Kristu yo Mpoki witu, kangi tukughelaghela ‘ukukonga m’makato ghake.’—1 Peteri 2:21; Luka 2:11.
Ubutungulu: Mutikusubila ukuti Yesu asyukile.
Ubwanaloli: Tukusubila ukuti Yesu asyukile kangi ulu lo lwitiko lwitu ulunywamu kangi tukusifumusya kubangi.—1 Bakorinti 15:3, 4, 12-15.
Ubutungulu: Mukubima abaninu ifindu finunu panongwa yakuti batikusekela iholide ya Isitala .
Ubwanaloli: Tubaghanile abanitu—tukwiyula ukubamanyisya nukubatula ukuti bayeghe balusekelo.—Titi 2:4.
Nongwa Yafiki Abaketi ba Yehova Batikusekela Isitala
Ibaibolo litikuyobapo isyakuti tusekeleghe iholide ya isitala.
Yesu alaghile ukuti tukumbukileghe ifwa yake, komma ukusyuka kwake. Tukumbukila ifwa yake ikyinja kilikyosa ukufwana ni kalendala ya mu Baibolo.—Luka 22:19, 20.
Tukusubila ukuti Isitala yalyandile nabandu ba panja, yo nongwa yake Kyala atikwitikisya. Kyala ikulonda ukuti ‘twiyipeghe kumyake mwene,’ atikulonda ukuti twiputeghe kufifwani.—Ubwandilo 20:5; 1 Banyafyale 18:21.
Tukusubila ukuti ifi tusalile ukuti tungasekelagha Isitala, fifumile mu Baibolo ili likutukasya ukuti ‘tuyeghe namahala gha bumanyi’ ukinda ukukonga inyiho isya bandu. (Isya Mbupingamu 3:21; Matai 15:3) Linga tukubabula abandu isi tukusubila isya Isitala tutikubafimbilisya ukuti bakonge isi tukusubila, papo tukughindika ubwabuke bwa mundu aliwesa ubwakusala ifi ikulonda ukubomba.—1 Peteri 3:15.
Lumo Mubaghile Ukulonda Ukumanya Isya Nkhani iyi
ISYA USWE
Nongwa Yafiki Mukulondiwa Ukumanyila Ibaibolo?
Ibaibolo likwamula amalalusyo gha bandu amamiliyoni mingi pa kisu kyosa. Ngimba nanumwe mukulonda ukwamuliwa amalalusyo ghinu?
ISYA USWE
Suma Ukuti Mumanyileghe Ibaibolo
Muyobesanie amalalusyo aghakufwana ni Baibolo, pamo manyila nyingi isyakufwana na Baketi ba Yehova.