ABA BIKWAMBILILA ABAHESYA Aba bikwambilila abahesya babikiwe ukuti babatule umwe. Tukubasuma ukuti mukolelaneghe nabo mwa kubapilikila linga bikubabula pakwimika ifyakwendapo

ULOSYO Aba bikuya pakosiwa bikuya pakwikala pamipando iyi yibikiwe pa nkyeni bo inkhani yalosyo yikali ukufwana pa chobeluka nulubunju. Aliwesa asise nimyenda iminunu iyi isakufwala kangi nikyakupuputila.

IFYABUPE Indalama nyingi sibombile imbombo ukuti tuye na malo amanunu amamayikolofoni, amasikilini agha tukuya pakuketelelapo amavidiyo ni findu ifingi ifi fikuya pakututula ukuti ulukomano ulu luye lwakuhobosya nukututula ukukasya ubumanyani bwitu na Yehova. Ifyabupe fyinu fikutula ukulipila ifindu ifi kangi fikutula pambombo iya pa kisu kyosa. Amabokosi aghakubikamo ifyabupe ghabikiwe mumalo mingi palukomano ulu. Tukubandaghisya fiyo panongwa yafyabupe ifi mukubika. Akabughatila Kakulongosya kikubandaghisya fiyo panongwa yakutulapo pambombo iya Bunyafyale.

IKIPATALA Mukulondiwa ukukumbuka ukuti ikipatala iki kikutula pene linga pabombiwe ingozi.

IFYAKUYONGA NIFYAKWAGHIWA Ifindu fyosa ifi musalile palukomano ulu mukulondiwa ukufibika ku Dipatimenti iya Fyakuyonga Nifyakwaghiwa. Linga muyongisye ikindu kilikyosa, mukulondiwa ukubuka ku dipatimenti iyi nukulingania muno ikindu kyinu kiyilile. Abana aba bayongile tukulondiwa ukubuka nabo ku dipatimenti iyi. Loli idipatimenti iyi yikaya yakusungilako abana. Abapapi bikulondiwa ukubapwelelela abanabo kangi mukulondiwa ukwikala nabo pampene.

UKUSUNGA AMALO Mubinong’oneleghe abininu. Mubaghile ukubasungila amalo aba mufumile nabo pampene bo aba mumbumba yinu kangi na aba mwendile nabo igalimoto yimoyene aba mukwikala nabo pampene na aba mukumanyila nabo Ibaibolo. Komma ukubika ifindu pa malo agha mutikuya pakwikalapo

UBUBOMBELI BWAKWIYIPA Linga mukulonda ukwiyipa ukuti mubombepo imbombo iyakwiyipa palukomano ulu, mubamanyisye aba bali mu Dipantimenti Iyakutula pa Bubombeli.

Isukulu Iya Bafumusi ba Bunyafyale Abapayiniya abapakati pa fyinja 23 na 65 aba bikulonda ukongelelako ubufumusi bwabo bikukoleliwa ukuti basayiwepo palukomano lwa aba bikulonda ukubuka ku Sukulu Iya Bafumusi ba Bunyafyale pa Sabata namayolo. Amalo nakabalilo fikuya pakufumusiwa.