MUTU 4
Ngimba Yesu Yonani?
1. Ngimba Yesu apeliwe bulebule?
Nongwa yafiki Yesu ali mwabuke kwa aliwesa? —MATAI 11:29; MARKO 10:13-16.
Bo akali upapiwa pa kisu Yesu ali nu bumi kumwanya. (Yohani 8:23) Umwene yo ali wakwanda ukupeliwa na Kyala, kangi ifindu fyosa fyapeliwe ukwendela mwa Yesu. Yesu oyobiwa ukuya ‘Mwana yumoywene ntigha ngwise’ papo apeliwe mwene na Kyala. (Yohani 1:14) Yesu ali Muyobi wa Kyala yo nongwa yake iBaibolo likuti umwene yo “Isyu.” —Belenga Isya Mbupingamu 8:22, 23, 30; Bakolosi 1:15, 16.
2. Nongwa yafiki Yesu alisile pa kisu?
Kyala alintumile Umwana wake pa kisu, apapiwe ukwendela mwa Maria. Umwene akali na tata pa kisu. (Luka 1:30-35) Yesu alisile ukuti (1) amanyisye abandu ubwanaloli bwa Kyala, (2) atumanyisye muno tubaghile ubombela ubwighane bwa Kyala nalinga tuli mundamyo, (3) nukuti tupokiwe ku butulanongwa bwitu nu bufwe.—Belenga Matai 20:28.
3. Nongwa yafiki tulondiwa ukutabuliwa?
Umundu abaghile ukuhomba ukuti atabule ubumi bwake. (Ukusoka 21:29, 30) Kyala akapelile ifwa nu bukangale. Tusimenye bulebule? Kyala ayobile kwa Adamu, atile linga abombile isi iBaibolo likuti ‘butulanongwa’ akwisa pakufwa. Linga abombile isi syali nunu Adamu akabaghile ukufwa. (Ubwandilo 2:16, 17; 5:5) IBaibolo likuyoba ukuti ubufwe “bwendile” mbutulanongwa nukusatanila mu bandu bosa pa kisu. Yo nongwa twesa tuli batulanongwa kangi tukufwa. Twesa tulondiwa ukutabuliwa ku bufwe ubu twalyambilile kwa Adamu.—Belenga Baroma 5:12; 6:23.
Ngimba yonani abaghile ukututabula kubufwe? Linga Salimo 49:7-9.
umundu afwa kokuti ahomba ubutulanongwa bwake. Nayumo umundu uyu abaghile upoka abandu ku butulanongwa.—Belenga4. Nongwa yafiki Yesu afwile?
Yesu aleghene nanuswe. Yesu ali ngolofu. Akafwile nongwa ya butulanongwa bwake, namanga akabombile nasimo imbibi. Loli afwile nongwa ya butulanongwa bwitu. Kyala anangisye ulughano lwake pakuntuma umwanake utufwila twesa. Yope Yesu anangisye ulughano lwake pakumpilikila Utata wake nukutufwila pa butulanongwa bwitu.—Belenga Yohani 3:16; Baroma 5:18, 19.
Ketelela ividiyo Nongwa Yafiki Yesu Afwile?
5. Yesu akubomba fiki pa kabalilo aka?
Bo ali pa kisu, Yesu abumbulwisye ababine, abafwe abasyusisye, nukubapoka abandu ku ndamyo syabo isyakukindanakindana. Abombile isi ukutunangisya isi akwisa kubomba munkyeni ku bandu bosa aba bompilikila. (Matai 15:30, 31; Yohani 5:28) Kyala alinsyusisye Yesu nukumupa umbili wambepo. (1 Peteri 3:18) Yesu alindilile kukiboko ikilyelo kya Yehova ukuti amupe amaka ghalulaghilo ukuya Malafyale pa kisu. (Bahiburi 10:12, 13) Pa kabalilo aka Yesu yo Malafyale kumwanya, kangi aba bakumukonga bofumusya amasyu gha Kyala pa kisu kyosa.—Belenga Danieli 7:13, 14; Matai 24:14.
Lino, Yesu pakuya Malafyale wamaka akwisa kusosyapo indamyo syosa nukonanga abandu bosa aba bobomba imbibi. Bosa aba bali nulusubilo mwa Yesu nukumpilikila bakwisa kuhoboka nu bumi bwa bwila na bwila.—Belenga Salimo 37:9-11.