MUTU 12
Ngimba Tubombe Fiki Ukuti Tuye Pabumanyani na Kyala?
1. Ngimba Kyala opilika inyiputo syosa?
Kyala olonda abandu bosa biputeghe kumyake ukuti baye nawe pabumanyani. (Salimo 65:2) Loli Kyala atopilika inyiputo syosa. Umwene atopilika inyiputo sya banyambala aba bobabombela imbibi abakasi babo. (1 Peteri 3:7) Kyala akanagha upilika inyiputo sya Baisraeli linga bakindilile ukubomba imbibi. Uyoba na Yehova lusako ulu tuli nalo. Kyala obahobokela imbibi abandu aba baghomokile kumyake.—Belenga Yesaya 1:15; 55:7.
Ketelela ividiyo Ngimba Kyala Ikupilika Inyiputo Syosa?
2. Ngimba twiputeghe bulebule?
Twiputeghe kwa Yehova mwene papo Mpeli witu. (Matai 4:10; 6:9) Pakuti tuli batulanongwa, twiputeghe mu ngamu ya Yesu Kristu papo afwile nongwa ya butulanongwa bwitu. (Yohani 14:6) Yehova atolonda ukuti linga tukwiputa twandisanieghe amasyu ghamoghene.—Belenga Matai 6:7; Bafilipi 4:6, 7.
Syope inyiputo sya mundumbula Kyala opilika. (1 Samueli 1:12, 13) Tubaghile ukwiputa akabalilo kalikosa, linga tulembuka nalinga tughona namayolo, linga tukulya pamo linga twaghene ni ndamyo.—Belenga Salimo 55:22; Matai 15:36.
3. Nongwa yafiki Abakristu bokomana pamopene?
Ukuya pabumanyani na Kyala kukuya kupala nongwa yakuti tonganikile na bandu abasita kumutila Kyala. Abandu aba bakaya nimbombo nulutengano ulu lukwisa munkyeni. (2 Timoti 3:1, 4; 2 Peteri 3:3, 13) Yo nongwa tukulondiwa ukukasania na Bakristu abinitu.—Belenga Bahiburi 10:24, 25.
Ukomana na Bakristu abinitu kututula ukuti tuye pabumanyani na Kyala. Pangomano sya Baketi ba Yehova tukuya nulusako lwa kukasania na binitu.—Belenga Baroma 1:11, 12.
4. Ngimba tubombe fiki ukuti tuye pabumanyani na Kyala?
Tubaghile ukuya pabumanyani na Kyala linga tukonga nubomba isi tumanyila m’Baibolo. Twinoghonelepo isi Kyala abombile, indaghilo syake na isi Umwene akwisa pobomba. Linga tukwiputa nukwinoghonelapo isi tumanyila tupilikisya ulughano lwa Kyala kangi na mahala ghake.—Belenga Yoswa 1:8; Salimo 1:1-3.
Tubaghile ukuya pabumanyani na Kyala linga tuli nulusubilo m’myake. Ukuti tuye nulusubilo tulondiwa ukindilila ukwinoghonelapo ifindu ifi fikutupa ulusubilo.—Belenga Matai 4:4; Bahiburi 11:1, 6.
5. Ngimba ukuya pabumanyani na Kyala kututula bulebule?
Kyala obatula aba bokonga indaghilo syake. Abene bopokiwa na Kyala ku findu fyosa ifi fibaghile upoka ulwitiko nulusubilo lwabo. (Salimo 91:1, 2, 7-10) Kyala otusoka ku findu ifi fibaghile ukonanga ubumi bwitu nulusekelo lwitu. Umwene otumanyisya ukuti tuye nubumi ubununu.—Belenga Salimo 73:27, 28; Yakobu 4:4, 8.
Lumo Mubaghile Ukulonda Ukumanya Isya Nkhani iyi
SPECIAL CAMPAIGN
Nongwa Yafiki Mukulondiwa Ukumanyila Ibaibolo?
Ibaibolo likwamula amalalusyo gha bandu amamiliyoni mingi pa kisu kyosa. Ngimba nanumwe mukulonda ukwamuliwa amalalusyo ghinu?
